១. ខ្ពុរមាត់ជាមួយទឹកអំបិល

 

អ្វីដែលអ្នកត្រូវធ្វើ គឺគ្រាន់តែលាយអំបិលកន្លះស្លាបព្រាកាហ្វេក្នុងទឹកក្ដៅឧណ្ហៗ ១ ពែង រួចកូរអោយសព្វជាមុនសិន សឹមខ្ពុរមាត់របស់អ្នកជាមួយទឹកល្បាយនេះសម្រាប់រយៈពេលពី ២ ទៅ ៣ វិនាទី។ អ្នកអាចអនុវត្តអោយបានពី ៣ ទៅ ៤ ដងក្នុងមួយថ្ងៃ ប្រសិនបើបំពង់កនៅឈឺ។

 

២. ខ្ពុរមាត់ជាមួយទឹកខ្មេះផ្លែប៉ោម

 

អ្វីដែលអ្នកត្រូវធ្វើ គឺលាយទឹកខ្មេះផ្លែប៉ោម កន្លះពែង ជាមួយអំបិល ១ ស្លាបព្រាកាហ្វេ។ កូររហូតដល់អំបិលរលាយ សឹមបន្ថែមទឹកក្ដៅឧណ្ហៗ ១ ពែងចូល។ កូរអោយសព្វម្ដងទៀត សឹមខ្ពុរមាត់ជាមួយទឹកល្បាយនេះរៀងរាល់ ១៥ នាទី ម្ដង។

 

៣. ខ្ញី

 

អ្វីដែលអ្នកត្រូវធ្វើ គឺគ្រាន់តែបន្ថែមខ្ញីស្រស់ដែលហាន់រួចជាចំណិតតូចៗឆុងក្នុងទឹកក្ដៅ ១ពែងសម្រាប់រយៈពេល ១០នាទី។ បន្ទាប់ពីចុះត្រជាក់ត្រឹមក្ដៅឧណ្ហៗ សឹមខ្ពុរមាត់ជាមួយទឹកខ្ញីស្រស់ដែលបានឆុងរួចនេះ។ ដើម្បីឆាប់ជាសះស្បើយអ្នកអាចទទួលទានតែខ្ញីលាយជាមួយទឹកឃ្មុំបន្ថែមឱជារស។

 

៤. រមៀត

 

លាយម្សៅរមៀតម៉ដ្ឋ ១ភាគ២នៃស្លាបព្រាកាហ្វេក្នុងទឹកក្ដៅឧណ្ហៗ ១ពែង។ កូរឱ្យសព្វ សឹមខ្ពុរមាត់ជាមួយទឹកល្បាយ។ កុំភ្លេចលាងសម្អាតក្នុងមាត់ភ្លាមៗតាមក្រោយជាមួយទឹកធម្មតាដើម្បីបង្ការស្នាមប្រឡាក់ជាប់ធ្មេញ។

 

៥. ខ្ទឹមស

 

ចិញ្ច្រាំខ្ទឹមស ១កំពឹសឱ្យម៉ដ្ឋ រួចឆុងក្នុងទឹកក្ដៅ ១ពែង។ រងចាំរហូតដល់ចុះក្ដៅឧណ្ហៗ សឹមត្រងយកតែទឹកមកខ្ពុរមាត់ជាការស្រេច។

 

៦. ជីអង្កាម

 

មិនត្រឹមតែជួយបំបាត់អាការៈឈឺបំពង់កប៉ុណ្ណោះទេ ប៉ុន្តែការខ្ពុរមាត់ជាមួយតែជីអង្កាមក៏ជួយកម្ចាត់ក្លិនខ្យល់ដង្ហើមមិនល្អផងដែរ៕

 

ត្រួតពិនិត្យ​ដោយ www.health.com.kh