COVID-19
ជាតិ
ស្លាប់៣នាក់បន្ថែមទៀតដោយសារកូវីដ-១៩ សរុបឡើងដល់៨២នាក់នៅកម្ពុជា
× ស្ត្រីអាយុ៣៩ឆ្នាំ អាយុ៥២ឆ្នាំ និងបុរសអាយុ៧៧ឆ្នាំ បានស្លាប់ដោយសារកូវីដ-១៩ កាលពីថ្ងៃទី២៦ ខែមេសា ដែលធ្វើឲ្យចំនួនអ្នកស្លាប់ឡើងដល់៨២នាក់នៅកម្ពុជា។
ស្ត្រីអាយុ៣៩ឆ្នាំ បានស្លាប់បាត់បង់ជីវិតមុនពេលចូលមន្ទីរពេទ្យហ្លួងម៉ែ កាលពីល្ងាចថ្ងៃទី២៦ ខែមេសា។ គាត់រស់នៅខណ្ឌពោធិ៍សែនជ័យ បានសម្រាកព្យាបាលនៅមណ្ឌលព្យាបាលសែនសុខ១ កាលពីថ្ងៃទី២១ ខែមេសា ប៉ុន្តែដោយសារស្ថានភាពធ្ងន់ធ្ងរ គាត់ត្រូវបានបញ្ជូនទៅមន្ទីរពេទ្យហ្លួងម៉ែ តែបានទទួលមរណភាពមុនទៅដល់ទីនោះ។
ស្ត្រីវ័យ៥២ឆ្នាំរស់នៅស្រុកគិរីវង់ ខេត្តតាកែវ បានចូលដល់មន្ទីរពេទ្យមិត្តភាពខ្មែរសូវៀត កាលពីរសៀលថ្ងៃទី២៦ ខែមេសា ប៉ុន្តែពេទ្យបានពិនិត្យឃើញថា គិតបានស្លាប់បាត់បង់ជីវិតមុនទៅហើយ ដោយសារកូវីដ-១៩ (Mourant entrant avec COVID-19)។
នៅមន្ទីរសុខាភិបាលនៃរដ្ឋបាលខេត្តព្រះសីហនុ បុរសអាយុ៧៧ឆ្នាំ បានចូលមន្ទីរពេទ្យកាលពីថ្ងៃទូ២៥ ខែមេសា ហើយស្លាប់នៅព្រឹកថ្ងៃទី២៦ ខែមេសា។ គាត់ស្លាប់បាត់បង់ជីវិតដោយសារវិបត្តិផ្លូវដង្ហើមស្រួចស្រាវធ្ងន់ធ្ងរ និងរលាកសួតទាំងសងខាងដោយសារវីរុសកូវីដ-១៩។
មកដល់ពេលនេះ អ្នកស្លាប់ដោយសារកូវីដ-១៩នៅកម្ពុជាឡើងដល់៨២នាក់ហើយ៕
© រក្សាសិទ្ធិដោយ thmeythmey.com