មុននឹងឡើងមកជួបប្រកួតគ្នានៅវគ្គពាក់ផ្តាច់ព្រ័ត្រនេះ ក្រុមទាំងពីរបានឆ្លង់កាត់ការប្រកួតជម្រុះយ៉ាងស្វិតស្វាញ។ អធិរាជស Real Madrid យកឈ្នះទៅហង្សក្រហម Liverpool ក្នុងលទ្ធផលសរុបទាំងពីរជើង ៣- ១។ ចំណែកក្រុមតោខៀវ Chelsea បយកឈ្នះក្រុមព័រទុយហ្កាល់ FC Porto ក្នុងលទ្ធផលសរុបទាំងពីរជើង ២-១ ។
 

Real Madrid ធ្លាប់ប៉ះ Chelsea ចំនួន៥លើករួចមកហើយបើរាប់ចាប់តាំងពីឆ្នាំ ១៩៧០មក។ ក្រុមទាំងពីរមានស្ថិតិដូចគ្នានៃជំនួបដែរធ្លាប់ប៉ះគ្នាគឺ ឈ្នះ២ ចាញ់២ និងស្មើ១ ដូចគ្នា។ ការប្រកួតជើងទីពីរ នឹងត្រូវធ្វើឡើងនៅថ្ងៃទី០៥ ខែឧសភានៅទឹកដី Chelsea វិញម្ដង។
 

អធិរាជស Real Madrid ជាក្រុមជើងខ្លាំងមួយក្នុងពានរង្វាន់ Champion League ដោយធ្លាប់បានឈ្នះពាន់រង្វាន់នេះរហូតដល់ទៅ១៣ដងក្នុងប្រវត្តិសាស្រ្តរបស់ក្លិប។ ចំណែកតោខៀវ Chelsea ធ្លាប់ឈ្នះពានរង្វាន់នេះតែ១លើកប៉ុណ្ណោះ៕