ជាតិ
មនុស្ស៣នាក់ទៀត នៅខេត្តត្បូងឃ្មុំ វិជ្ជមានកូវីដ-១៩ លោក ជាប ច័ន្ទសោភ័ណ អភិបាលខេត្តត្បូងឃ្មុំ
× ភ្នំពេញ៖ រដ្ឋបាលខេត្តត្បូងឃ្មុំ ប្រកាសរកឃើញអ្នកជំងឺកូវីដ-១៩ ចំនួន៣នាក់បន្ថែមទៀត។ បើតាមសេចក្តីប្រកាសព័ត៌មានរបស់រដ្ឋបាលខេត្តត្បូងឃ្មុំ នាល្ងាចថ្ងៃទី២៩ ខែមេសា ឆ្នាំ២០២១ អ្នកជំងឺកូវីដ-១៩បទាំង៣នាក់នោះ គឺជាអ្នករស់នៅក្នុងភូមិដីដុះ ឃុំប៉ើស២ ស្រុកក្រូចឆ្មារ។
រដ្ឋបាលខេត្តត្បូងឃ្មុំ អ្នកជំងឺកូវីដ-១៩ ថ្មីទាំង៣នាក់នេះ ជាបុរសខ្មែរ ដែលមានអាយុពី១៨ឆ្នាំ ដល់៥៨ឆ្នាំ។ ការរកឃើញវិជ្ជមានកូវីដ-១៩ លើបុរសទាំង៣នេះ នាំឱ្យខេត្តកំពង់ចាម មានអ្នកឆ្លងជំងឺ សរុប៥៨នាក់ (ស្រី៤៨នាក់)។
រដ្ឋបាលខេត្តត្បូងឃ្មុំ មិនបញ្ជាក់ឡើយថា អ្នកជំងឺកូវីដ-១៩ ទាំង៣នាក់ ផ្ទុកជំងឺនេះពីពេលណា ឬមានប្រវត្តិធ្វើដំណើរទៅណា មកណា ក្នុងអំឡុងពេលផ្ទុកមេរោគនេះឡើយ ដោយ អំពាវនាវដល់ពលរដ្ឋទាំងឡាយណា ដែលបានប៉ះពាល់ ឬដោយប្រយោល ជាមួយអ្នកជំងឺខាងលើត្រូវរួសរាន់ទៅមន្ទីរពេទ្យ ដើម្បីយកសំណាកទៅពិនិត្យ និងធ្វើចត្តាឡីស័កតាមផ្ទះរៀងៗផងដែរ។
រដ្ឋបាលខេត្តក៏បានបញ្ជាក់ផងដែរថា បើសិនជាពលរដ្ឋដែលមានអាការ ផ្កាសាយ ក្អក ហៀរសំបោរ ឈឺបំពង់ករ ថប់ដង្ហើម ឬមានរោគសញ្ញាសង្ស័យថាខ្លួនមានផ្ទុកកូវីដ-១៩ សូមទាក់ទងទៅខាងមណ្ឌលសុខភាព ឬរាយការណ៍បន្ទាន់ទៅអាជ្ញាធរ តាមរយៈទូរសព្ទលេខ ០១២ ៩៨៣ ៦៣៩/ ០៩៧ ៦៤៧ ៧៧៣៧/ ០១២ ៩៦៨ ៤៣២ និង ០៩៧ ៩៧៩ ៩៨៩៨៕
© រក្សាសិទ្ធិដោយ thmeythmey.com