COVID-19
ជាតិ
កម្ពុជាផ្អាកនាំចូលសាច់ និងមុខទំនិញបង្កកពីប្រទេសឥណ្ឌាជាបណ្តោះអាសន្នសិន
លោក គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា
×![]()
ភ្នំពេញ៖ អគ្គនាយកដ្ឋានគយ និងរដ្ឋាករកម្ពុជាផ្អាកនាំចូលសាច់បង្កក និងទំនិញបង្កកពីប្រទេសឥណ្ឌាជាបណ្តោះអាសន្នសិន។ ការសម្រេចនេះធ្វើឡើង ដោយសារប្រទេសឥណ្ឌាកំពុងតែរងគ្រោះនូវជំងឺកូវីដ-១៩យ៉ាងគំហុក។
អគ្គនាយកដ្ឋានគយ និងរដ្ឋាករកម្ពុជា ណែនាំឲ្យព្យួរការបំពេញបែបបទបញ្ចេញទំនិញពីគយ ចំពោះទំនិញដែលបានមកដល់ទីលានគយ ឬសន្និធិគយ។ ជាពិសេសត្រូវបាញ់សម្អាតលើមធ្យោបាយផ្ទុក និងសំបកវិចខ្ចប់មុខទំនិញផ្សេងៗក្រៅពីសាច់បង្កក និងទំនិញបង្កកដែលមានប្រភពពីប្រទេសឥណ្ឌា និងណែនាំឲ្យធ្វើតេស្តជំងឺកូវីដ-១៩។
កាលពីថ្ងៃទី២៧ ខែមេសា កម្ពុជាក៏បានផ្អាកទទួលរាល់អ្នកដំណើរ ឬឆ្លងកាត់ និងមានប្រវត្តិធ្វើដំណើរទៅឥណ្ឌា រយៈពេល៣សប្តាហ៍មុនចូលមកកម្ពុជា តាមផ្លូវអាកាស ឬតាមផ្លូវគោក។
គិតត្រឹមតួលេខចុងក្រោយនេះ ឥណ្ឌាមានករណីសរុបចំនួនជាង ១៩លានករណី និងអ្នកស្លាប់មានចំនួនជាង ២០ម៉ឺននាក់។ អ្នកជាសះស្បើយមានចំនួនជាង ១៥លាននាក់៕
© រក្សាសិទ្ធិដោយ thmeythmey.com
