ទោះមានគោការណ៍បែបនេះ មន្រ្តីទីភ្នាក់ងារគយនៅព្រំដែនសមុទ្រចំនួន៩នាក់ ត្រូវបញ្ចប់តំណែង ដោយសារមិនព្រមទទួលវ៉ាក់សាំង។ លោកស្រី Jacinda Funnell អនុប្រធានទីភ្នាក់ងារគយទទួលបន្ទុកកិច្ចការប្រជាជន និងសមត្ថភាព លើកឡើងក្នុងសេចក្ដីថ្លែងការណ៍មួយថា ដោយសារគ្មានកន្លែងទំនេរសម្រាប់អ្នកទាំង៩នាក់ ទើបពួកគេត្រូវបញ្ឈប់ទៅ។

«យើងពិតជាសោកស្តាយយ៉ាងខ្លាំងចំពោះបុគ្គលិកដែលចាកចេញពីការងារ ហើយក៏បានយល់ពីទុក្ខលំបាករបស់ពួកគេផងដែរ » ។ លោកស្រី Funnell បន្ថែមបែបនេះ មុនបន្តថា បុគ្គលិកគយជួរមុខ៩៥ភាគរយដែលតម្រូវចាក់វ៉ាក់សាំង ទទួលបានវ៉ាក់សាំងរួចហើយ ហើយ៨៥ភាគរយនៃចំនួននេះ ទទួលបានវ៉ាក់សាំងពីរដូស។ 
 

សហជីពតំណាងបុគ្គលិកនៃទីភ្នាក់ងារគយណូវែលសេឡង់ បានរិះគន់ករណីបណ្ដេញបុគ្គលិកទាំង៩នាក់ដែលប្រកែកមិនទទួលការចាក់វ៉ាក់សាំង។ ជំនួសមកវិញ ពួកគេទាំងនោះ គួរត្រូវបានផ្ទេរទៅកន្លែងថ្មី៕