បើតាមសេចក្តីជូនដំណឹងរបស់ក្រសួងមុខងារសាធារណៈ ចេញផ្សាយនៅថ្ងៃទី៤ឧសភា បេក្ខជន ដែលមិនអាចទទួលវ៉ាក់សាំងការពារជំងឺកូវីដ-១៩បាន ក៏ត្រូវមានលិខិតបញ្ជាក់ជាផ្លូវការ ពីមន្ទីរសុខាភិបាលរាជធានី-ខេត្តដែរ។

 

នៅថ្ងៃប្រឡង បេក្ខជនត្រូវភ្ជាប់ជាមួយនូវកាតសម្គាល់ការបានទទួលវ៉ាក់សាំងកូវីដ-១៩ ទាំង២លើក។ ក្នុងករណីបេក្ខជនមិនមានបណ្ណទទួលវ៉ាក់សាំងការពារជំងឺកូវីដ-១៩ និងគ្មានលិខិតបញ្ជាក់ជាផ្លូវការ ពីមន្ទីរសុខាភិបាលរាជធានី-ខេត្ត បេក្ខជនមិនត្រូវបានអនុញ្ញាតឱ្យចូលរួមប្រឡងបានឡើយ។

 

ចំពោះបញ្ជីឈ្មោះប្រឡង គណៈកម្មការរៀបចំការប្រឡង នឹងបិទផ្សាយ ដើម្បីទុកសិទ្ធិឲ្យបេក្ខជនតវ៉ា ក្នុងករណីមិនមានឈ្មោះប្រឡង នៅពេលបិទបញ្ចប់ព្រឹត្តិការណ៍សហគមន៍២០កុម្ភៈ។ សម្រាប់កាលបរិច្ចេទ និងមណ្ឌលប្រឡង គណៈកម្មការរៀបចំការប្រឡង នឹងជូនដំណឹងពេលក្រោយ៕