COVID-19
ជាតិ
×![]()
ដោយ: ខន ចំប៉ា
កម្ពុជាមានករណីឆ្លងកូវីដ-១៩ថ្មី ចំនួន៥៣៨នាក់បន្ថែមទៀត ក្នុងនោះមាន១ករណី ជាករណីនាំចូលពីក្រៅប្រទេស។ រីឯអ្នកសះស្បើយបន្ថែម មាន៤៥៦នាក់។ នេះបើតាមរបាយការណ៍សង្ខេបរបស់ក្រសួងសុខាភិបាលនា ថ្ងៃទី៨ ខែឧសភា។ 
គិតមកដល់ពេលនេះកម្ពុជា មានអ្នកកើតកូវីដ-១៩ សរុបចំនួន ១៨៧១៧នាក់ ដែលក្នុងនោះសះស្បើយចំនួន ៧៣៤០នាក់ និងស្លាប់មាន១១៤នាក់។ នេះជាថ្ងៃទី២ហើយ ដែលកម្ពុជាមិនមានករណីស្លាប់ថ្មី ក្នុងរយៈពេលជិតខែមកនេះ ពោលគឺចាប់តាំងពីថ្ងៃទី៨ ខែមេសាមក។ សូមជម្រាបថា សេចក្តីជូនព័ត៌មានប្រចាំថ្ងៃរបស់ក្រសួងសុខាភិបាល ក្រោមទម្រង់ថ្មី មិនបានផ្តល់ព័ត៌មានលម្អិត ទាក់ទងនឹងភូមិសាស្ត្រ នៃការឆ្លងនោះឡើយ៕
© រក្សាសិទ្ធិដោយ thmeythmey.com
