រដ្ឋបាលខណ្ឌច្បារអំពៅបានសង្កេតឃើញថា ក្រោយពីបញ្ចប់ការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅដែលរាលដាលនៃជំងឺកូវីដ-១៩ មក ស្ថានភាពចរាចរណ៍នៅលើផ្លូវ៣៦៩ គឺកកស្ទះ និងប្រមូលផ្តុំមនុស្សច្រើន ដោយមិនអនុវត្តតាមវិធានការសុខាភិបាលឡើយ។ 

 

បើតាមរដ្ឋបាលខណ្ឌច្បារអំពៅ ការកកស្ទះចរាចរណ៍នេះគឺបណ្តាលមកពីការមមាញឹកនៃការលក់ដូរ និងការចតយានយន្តបែបអនាធិបតេយ្យនៅតាមចិញ្ចើមផ្លូវ។ 

 

រដ្ឋបាលខណ្ឌច្បារអំពៅ  អំពាវនាវដល់ពលរដ្ឋកុំលក់ដូរ និងចតយានយន្តដោយគ្មានសណ្តាប់ធ្នាប់ ដើម្បីរួមគ្នាទប់ស្កាត់ជំងឺកូវីដ-១៩។ 

 

រដ្ឋបាលខណ្ឌច្បារអំពៅ បានទុកពេលឲ្យអាជីវករចំនួន៣ថ្ងៃ គិតចាប់ពីថ្ងៃជូនដំណឹងសម្រាប់រុះរើតូប និងស្តង់លក់ដូរទំនិញផ្សេងៗដែលនៅតាមចិញ្ចើមផ្លូវ។ 

 

ករណីពលរដ្ឋណាមិនអនុវត្តតាមបម្រាមនេះទេ រដ្ឋបាលខណ្ឌច្បារអំពៅនឹងអនុវត្តតាមវិធានការរដ្ឋបាល ដោយមិនទទួលខុសត្រូវចំពោះការបាត់បង់ទ្រព្យសម្បត្តិ ឬខូចខាតសម្ភារឡើយ។