របាយការណ៍ពីក្រសួងទេសចរណ៍ដែលចេញផ្សាយកាលពីថ្ងៃទី ១៣ឧសភា បានបញ្ជាក់ថា ក្នុងរយៈពេល៣ខែដើមឆ្នាំ២០២១កន្លងមក ភ្ញៀវបរទេសជាង៧ម៉ឺននាក់ ដែលមកកម្សាន្តនៅកម្ពុជា មាន៣៣,៥៣៥នាក់ បានធ្វើដំណើរតាមផ្លូវអាកាស(ស្មើនឹងជាង៤៧ភាគរយនៃចំណែកទីផ្សារសរុប)  និងភ្ញៀវទេសចរបរទេស ចំនួន៣៧, ៣៦៦នាក់ទៀត (ស្មើនឹង៥២,៧ ភាគរយ) បានធ្វើដំណើរតាមផ្លូវគោក។

 

សម្រាប់ភ្ញៀវទេសចរដែលមកកម្សាន្តកម្ពុជា នៅក្នុងអំឡុងរាលត្បាតជំងឺកូវីដ-១៩ គឺជនជាតិថៃ ជាប់លំដាប់លេខមួយ ខណៈអ្នកទេសចរចិនបានធ្លាក់មកនៅលំដាប់លេខ២វិញ ។ ក្រៅពីនេះមានជនជាតិវៀតណាម ឥណ្ឌូនេស៊ី កូរ៉េ អាមេរិក តៃវ៉ាន់ ម៉ាលេស៊ី ជប៉ុន និងជនជាតិបារាំងជាដើម។ 

 

បើរបាការណ៍របស់ក្រសួងទេសចរណ៍ កាលពី ឆ្នាំ២០២០ កម្ពុជាទទួលបានភ្ញៀវទេសចរបរទេសសរុប ១,៣០៦,១៤៣នាក់ ធ្លាក់ចុះ៨០,២ភាគរយ បើធៀបនឹងឆ្នាំ២០១៩ មានរហូតដល់ ៦,៦១០,៥៩២ នាក់៕