បើគិតចាប់តាំងពីចូលជំនួសតំណែងលោក Frank Lampard នៅខែមករា មក លោក Tuchel ដឹកនាំ Chelsea ឡើងទៅវគ្គផ្តាច់ព្រ័ត្រដល់ទៅពីរពានរង្វាន់ គឺ FA Cup និង Champions League ហើយបច្ចុប្បន្នកំពុងមានទីតាំងនៅចំណាត់ថ្នាក់លេខ៤នៃ Premier League។

 

អ្នកចាត់ការទូទៅជនជាតិអាល្លឺម៉ង់វ័យ៤៧ឆ្នាំរូបនេះ ចង់បង្ហាញឥទ្ធិពលរបស់ខ្លួនក្នុងក្របខណ្ឌបាល់ទាត់អង់គ្លេស តាមរយៈការដណ្តើមឲ្យបានពាន FA Cup មុននឹងបោះជំហានទៅកាន់ Champions League។ 

 

ទោះបីជាយ៉ាងណាក៏ដោយ Leicester ក្រោមការដឹកនាំរបស់លោក Brendan Rodgers ក៏មិនបន្ធូរនោះឡើយ ក្រៅពីប្រឹងប្រែងប្រជែង Top 4 នៅ Premier League ក្រុមចចកមួយនេះ ចង់បង្កើតប្រវត្តិសាស្ត្រសម្រាប់ខ្លួនឯងក្នុងឈ្នះ FA Cup ជាលើកដំបូង បើគិតចាប់តាំងពីការបង្ហាញខ្លួននៅវគ្គផ្តាច់ព្រ័ត្រ កាលពីឆ្នាំ១៩៦៩។

 

 

Leicester City ធ្លាប់ចូលវគ្គផ្តាច់ព្រ័ត្រ FA Cup ៤លើក ហើយខកខានមិនទទួលបានពានទាំង៤លើក ខណៈ Chelsea បានឈ្នះពាននេះ ចំនួន៨លើក ដោយចុងក្រោយបានយកឈ្នះ Manchester United កាលពីឆ្នាំ២០១៨។ កាលពីឆ្នាំមុន តាខៀវបានចាញ់កាំភ្លើងធំ Arsenal៕