ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
FIFA
កីឡាជាតិ
ជាតិ
ឡេង ណូរ៉ា បំបែកកំណត់ត្រា សៀង ចន្ធា ជាកីឡាករវ័យក្មេងជាងគេលេងក្នុងក្រុមជម្រើសជាតិ
08, Jun 2021 ,
11:42 am
រូបភាព
រូបថត FFC
×
ដោយ:
អុឹង ចំរើន (Ung Chamroeun)
ឡេង ណូរ៉ា បានចូលជំនួស សៀង ចន្ធា នៅនាទី៧៦ នាអំឡុងនៃការប្រកួតវគ្គជម្រុះ World Cup ជុំទីពីរពូល C ប្រចាំតំបន់អាស៊ី ដែលកម្ពុជាចាញ់អ៊ីរ៉ាក់ ៤-១។ ក្រៅពីជំនួសក្នុងការប្រកួតនេះ ណូរ៉ា ក៏បានជំនួស ចន្ធា ក្នុងនាមជាកីឡាករវ័យក្មេងជាងគេដែលបានចូលលេងឲ្យក្រុមជម្រើសជាតិកម្ពុជាផងដែរ។
អត្ថបទទាក់ទង
កម្ពុជាចាញ់អ៊ីរ៉ាក់ ៤-១ ហើយត្រូវធ្លាក់ទៅលេងវគ្គ Play-Off ជម្រុះ Asian Cup វិញ
អបអរសាទរ កម្ពុជា ឈ្នះ ប៉ាគីស្ថាន ២-០ នាជំនួបជើងទី១វគ្គជម្រុះ World Cup
ណូរ៉ា កូនកាត់ខ្មែរ-ហ្គាណា កើតនៅថ្ងៃទី១៩ ខែកញ្ញា ឆ្នាំ២០០៤ ហើយមានឱកាសបង្ហាញខ្លួនក្នុងក្រុមជម្រើសជាតិលើកដំបូង នាការប្រកួតកាលពីថ្ងៃទី៧ ខែមិថុនា ២០២១។ វត្តមានជំនួស ចន្ធា នៅប្រមាណ១៥នាទីចុងក្រោយ មានន័យថា ខ្សែបម្រើក្លិបខេត្តព្រៃវែងរូបនេះ មានវត្តមានក្នុងការប្រកួតឈុតធំលើកដំបូងក្នុងអាយុ១៦ឆ្នាំ ៨ខែ និង១៩ថ្ងៃ។
សៀង ចន្ធា បច្ចុប្បន្នឈានដល់វ័យ១៨ឆ្នាំ។ ខ្សែប្រយុទ្ធនៃក្លិបបឹងកេតរូបនេះ កើតនៅថ្ងៃទី៩ ខែកញ្ញា ឆ្នាំ២០០២ ហើយចូលឲ្យក្រុមជម្រើសជាតិលើកដំបូងនាការប្រកួតវគ្គជម្រុះបឋម World Cup នាពេលកម្ពុជាឈ្នះប៉ាគីស្ថាន ២-០ នៅជើងទីមួយ។ ការប្រកួតនៅរាជធានីភ្នំពេញនាពេលនោះ ប្រព្រឹត្តទៅកាលពីថ្ងៃទី៦ ខែមិថុនា ឆ្នាំ២០១៩ ខណៈ ចន្ធា មានអាយុ១៦ឆ្នាំ ៨ខែ និង២៨ថ្ងៃ។
កាលណោះ ចន្ធាបានចូលជំនួស សេត រ៉ស៊ីបនៅនាទី៧៥ ហើយ៦នាទីក្រោយមក គេបានស៊ុតបញ្ចូលទីដំបូងបំផុតឲ្យជម្រើសជាតិផងដែរ។ គ្រាប់បាល់នេះ បានធ្វើឲ្យ ចន្ធាក្លាយជាកីឡាករវ័យក្មេងជាងគេដែលរកគ្រាប់បាល់បញ្ចូលទីឲ្យក្រុមជម្រើស មុនពេលដែលកីឡាករមានអាយុច្រើនជាងគេ គួច សុគម្ភៈ បន្ថែមគ្រាប់ទីពីរនាំជ័យជម្នះ ២-០ លើប៉ាគីស្ថាន។
ទោះបីជាយ៉ាងណាក៏ដោយ ចន្ធា នៅតែរក្សាកំណត់ត្រាជាកីឡាករវ័យក្មេងជាងគេដែលរកបានគ្រាប់បាល់បញ្ចូលទីសម្រាប់ក្រុមជម្រើសជាតិ ដោយបានបំបែកកំណត់ត្រា កែវ សុខង៉ន។ លោក កែវ សុខង៉ន បច្ចុប្បន្នជាអ្នកចាត់ការទូទៅក្លិបភ្នំពេញក្រោន ក្លាយជាកីឡាករវ័យក្មេងជាងគេដែលរកគ្រាប់បាលបញ្ចូលទីឲ្យក្រុមជម្រើសជាតិក្នុងអាយុ១៦ឆ្នាំ ១១ខែ និង២៩ថ្ងៃ ពេលកម្ពុជាឈ្នះម៉ាកាវ ២-១ ក្នុងពូល A នៃវគ្គជម្រុះពានរង្វាន់ AFC Challenge Cup 2009 នៅបង់ក្លាដែស។
ក្រៅពី ណូរ៉ា ដែលមានឱកាសបង្ហាញខ្លួនជាលើកដំបូងសម្រាប់ការប្រកួតនៅលើទឹកដីបារ៉ែន លោក Keisuke Honda និងលោក Ryu Hirose ដែលជាគ្រូបង្វឹក បានផ្តល់ឱកាសដល់ វុធ តុលា, ស រតនា និងម៉ាត់ ណូរ៉ូន ផងដែរ ពេលកម្ពុជាចាញ់ម្ចាស់ផ្ទះ ៨-០។ រីឯ លឹម ពិសុទ្ធ បានបង្ហាញសមត្ថភាពដ៏អស្ចារ្យនាការប្រកួត៩០នាទីពេញលើកដំបូង ខណៈកម្ពុជាចាញ់អ៊ីរ៉ាក់ ៤-១៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
2 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
3 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
7 ថ្ងៃ
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
5 ថ្ងៃ
អត្ថបទពេញនិយមបន្ថែម