បើទោះបីជាមានការសិក្សាមិនសូវច្រើនទៅលើចំនុចនេះក្តី គេឃើញមានការសិក្សាមួយចំនួនដែលគួរឱ្យជឿជាក់ផងដែរ។ មូលហេតុដែលអយស្ទ័រឆៅធ្វើឱ្យមានអារម្មណ៍ផ្លូវភេទកើនឡើយ គឺអាចដោយសារតែសត្វអយស្ទ័រមានជាតិស័ង្កសីខ្ពស់ ដែលជាសារធាតុរ៉ែសំខាន់សម្រាប់សុខភាពផ្លូវភេទ។ អយស្ទ័រក៏អាចបំពេញនូវកង្វះសារធាតុចិញ្ចឹម ដែលរួមចំណែកដល់ការងាប់លិង្គចំពោះបុរសមួយចំនួន។

 

អ្នកឯកទេសខាងអាហាររូបត្ថម្ភ លោកស្រី Julia Zumpano មានប្រសាសន៍ថា៖ “ខណៈដែលគ្មានភស្តុតាងដែលបង្ហាញថា អយស្ទ័រតែឯងអាចជួយបង្កើនអារម្មណ៍ផ្លូវភេទរបស់អ្នក អ្នកអាចញ៉ាំវាដើម្បីទទួលបានជីវជាតិចិញ្ចឹមដល់រាងកាយ និង មានកម្លាំងល្អ។ ជាមួយគ្នានេះដែរ ដោយគ្រាន់តែជំនឿចិត្តលើការញ៉ាំអយស្ទ័រដើម្បីអារម្មណ៍ផ្លូវភេទឡើងខ្ពស់នោះ ក៏អាចធ្វើឱ្យអ្នកមានទំនុកចិត្តលើសមត្ថភាពរបស់ខ្លួនឯងបាត់ទៅហើយ។”

 

សត្វអយស្ទ័រឆៅ ជាប្រភពដ៏សំបូរនៃសារធាតុចិញ្ចឹមសំខាន់ៗនៅពេលបរិភោគ ដែលរួមមាន៖ វីតាមីន D, ជាតិទង់ដែង, ជាតិស័ង្កសី, ជាតិសេលេនីញ៉ូម, ជាតិដែក និង វីតាមីន B12៕

 

 ត្រួតពិនិត្យដោយ www.health.com.kh