ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
គ្មានវ៉ាក់សាំងណា ដែលអាចបង្ការជំងឺផ្តាសាយ បាន ១០០ ភាគរយឡើយ ព្រោះតែវាមានវីរុស ច្រើនប្រភេទខុសៗគ្នាបង្កជំងឺនេះ។ ប៉ុន្តែ អ្នកអាចមានវិធីសាស្ត្រមួយចំនួន ដើម្បីបន្ថយការឆ្លងជំងឺនេះបាន ដូចជា ៖
លាងដៃ ៖ លាងដៃរបស់កូន ឲ្យបានញឹកញាប់ និងបង្រៀនកូនអ្នក ពីសារៈសំខាន់នៃការលាងសម្អាតដៃ។
ដុសលាងសម្អាតរបស់របរ ៖ ចូរធ្វើយ៉ាងណាឲ្យផ្ទះបាយ និងបន្ទប់ទឹកស្អាតជានិច្ច ជាពិសេស នៅពេលនរណាម្នាក់ក្នុងគ្រួសារ មានជំងឺផ្តាសាយតែម្តង។ អ្នកក៏គួរតែលាងសម្អាត តុក្តតាក្មេងលេងម្តងម្កាលដែរ។
ប្រើក្រដាសជូតមាត់ ៖ ចូរប្រើក្រដាសជូតមាត់ជានិច្ច គ្រប់ពេលដែលអ្នកកណ្តាស់ និងក្អក។ ចូរបោះចោលក្រដាសជូតមាត់ ដែលប្រើហើយភ្លាម បន្ទាប់មក ចូរលាងដៃអ្នកឲ្យបានប្រុងប្រយ័ត្ន។
កុំចែករបស់គ្នាប្រើ ៖ កុំចែកកែវ ឬសម្ភារៈក្នុងផ្ទះបាយ ទៅសមាជិកផ្សេងៗទៀត ក្នុងគ្រួសារប្រើឲ្យសោះ។ ចូរប្រើកែវ ឬពែងផ្ទាល់ខ្លួននៅពេលអ្នក ឬនរណាម្នាក់ផ្សេងទៀតមានជំងឺ។ យកល្អ គួរតែមានការសរសេរឈ្មោះ លើកែវដែលអ្នកប្រើទៅ ទើបកុំឲ្យច្រឡំគ្នា។
ចៀសវាងការនៅជិតស្និទ្ធ ជាមួយអ្នកជំងឺយូរពេក៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
