ដោយ៖ជា យូគៀង 

 

 

ជំនួបពូល C៖អ៊ុយក្រែនស្វាគមន៍ម៉ាសេដ្វានខាងជើង នាកីឡដ្ឋាន Arena Nationala វេលាម៉ោង៨យប់

 

អ៊ុយក្រែនរំពឹងទទួលបាន៣ពិន្ទុពីការប្រកួតជាមួយម៉ាសេដ្វានខាងជើងក្នុងយប់នេះ។ កាលពី ប្រកួតទល់ជាមួយហូឡង់ ពួកគេបាយវាយបកតាមស្មើ ២-២ ប៉ុន្តែភ្លាត់ស្នៀតចុងក្រោយ ធ្វើឲ្យហូឡង់ឈ្នះ ៣-២។ ម៉ាសេដ្វានខាងជើង ក៏ត្រូវការប្រឹងប្រែងខ្ពស់ផងដែរ ក្រោយចាញ់អូទ្រីស ៣-១។ 

 

ក្រុមទាំងពីរធ្លាប់ប៉ះគ្នានាវគ្គជម្រុះឆ្នាំ២០១៥ ចំនួន២លើក ដោយអ៊ុយក្រែនឈ្នះទាំងពីរលើក។

 

 

បច្ចុប្បន្ន ដាណឺម៉ាក ស្ថិតនៅបាតតារាងក្នុងពូល B ដោយការប្រកួតដំបូងរបស់ខ្លួនបានចាញ់ ក្រោមថ្វីជើងហ្វាំងឡង់ ១-០ បន្ទាប់ពី Christian Eriksen បានដួលសន្លប់ក្នុងការប្រកួត ហើយត្រូវបានបញ្ជូនទៅសង្រ្គោះបន្ទាន់ភ្លាមៗ។ Romelu Lukaku ប្រធានក្រុមបែលហ្ស៊ិកដែលជាមិត្តភក្តិ Eriksen នៅក្លិប Inter Milan ក៏បានស្នើសុំឲ្យមានការស្ងៀមស្ងាត់១០នាទីក្នុងការប្រកួតដើម្បីលើកទឹកចិត្ត Eriksen ផងដែរ។

 

ដាណឺម៉ាកនឹងត្រូវជួបការលំបាកក្នុងការស្វែងរកពិន្ទុដោយជួបក្រុមខ្លាំងឈរលេខ១ បែលហ្ស៊ិក ដែលបានបើកឆាកជាមួយនឹងជ័យជម្នះ ៣-០ លើរុស្ស៊ី។

 

 

ហូឡង់ជាក្រុមខ្លាំងក្នុងពូល C ដែលបានយកឈ្នះអ៊ុយក្រែន ៣-២ នាជំនួបបើកឆាក ខណៈ អូទ្រីសឈ្នះម៉ាសេដ្វានខាងជើង ៣-១។  ប្រវត្តិរបស់ក្រុមទាំងពីរបើរាប់ចាប់ពីឆ្នាំ ២០០២ មក ៥ប្រកួតចុងក្រោយអូទ្រីសមិនដែរយកឈ្នះលើហូឡង់ឡើយ។ បច្ចុប្បន្ន អូទ្រីសឈរលេខ១បណ្តោះអាសន្ន ដោយមាន៣ពិន្ទុស្មើហូឡង់ តែខុសគ្រាប់បាល់បញ្ចូលទី ខណៈអ៊ុយក្រែន និងម៉ាសេដ្វានខាងជើង មិនទាន់មានពិន្ទុរាប់ឡើយ៕