បើតាមសេចក្ដីជូនដំណឹងរបស់ក្រសួងទេសចរណ៍ បេក្ខជន សិស្សនិស្សិត និងសាធារណជន ត្រូវភ្ជាប់ជាមួយកាត ឬឯកសារដែលបង្ហាញថា ខ្លួនបានទទួលវ៉ាក់សាំងបង្ការជំងឺ​កូវីដ-១៩​ទាំង២ដូសរួច សម្រាប់ថ្ងៃប្រឡង។ អ្នកដែលមិនមានលិខិត​បញ្ជាក់ថាចាក់វ៉ាក់សាំងហើយ នឹងមិនត្រូវបានអនុញ្ញាតឱ្យចូលប្រលងនោះទេ។

សូមជម្រាបផងដែរថា បេក្ខជន អាចដាក់ពាក្យប្រឡង ចូលក្របខណ្ឌក្រសួងទេសចរណ៍បាន នៅតាមមន្ទីរទេសចរណ៍រាជធានី-ខេត្ត ដែលខ្លួនបានជ្រើសរើស ឬនៅទីស្ដីការក្រសួងទេសចរណ៍ និងតាមរយៈប្រព័ន្ធអនឡាញ៕