បើតាមសេចក្តីប្រកាសព័ត៌មានរដ្ឋបាលខេត្តរតនគិរី នាល្ងាចថ្ងៃទី១៩មិថុនានេះ ក្នុងចំណោមមនុស្សទាំង១០៤នាក់ដែលវិជ្ជមានកូវីដ-១៩នោះ មាន៧៧នាក់ ជាពលរដ្ឋរស់នៅក្រុងបានលុង និង១៥នាក់ទៀត ជាពលរដ្ឋរស់នៅស្រុកបរកែវ។ ក្រៅពីនេះ រដ្ឋបាលខេត្តរតនៈគិរី ក៏បានរកឃើញវិជ្ជមានកូវីដ-១៩លើមនុស្ស៤នាក់ទៀតនៅស្រុកអូរជុំ,  ៣នាក់នៅស្រុកលំផាត់ ខណៈអ្នកជំងឺកូវីដ-១៩ ចំនួន២នាក់ទៀត មានអាស័យដ្ឋាន នៅស្រុកដោះក្រមុំ។ 

 

ដោយឡែក អ្នកជំងឺកូវីដ-១៩ ចំនួន៣នាក់ទៀត ដែលរដ្ឋបាលខេត្តរតនគិរី រកឃើញវិជ្ជមានកូវីដ-១៩ នោះ មានម្នាក់មកពីខេត្តមណ្ឌលគិរី និងមាន២នាក់ មកពីខេត្តតាកែវ។ 

 

លោក ញ៉ែម សំអឿន អភិបាលរងខេត្តរតនគិរី បានបន្តប្រាប់សារព័ត៌មានThmeyThmey តាមទូរសព្ទថា ការឆ្លងរាលដាលនៃជំងឺកូវីដ-១៩ នៅក្នុងខេត្តរតនគិរី ពិសេសនៅក្នុងក្រុងបាលុង នាថ្ងៃទី១៩មិថុនា  គឺជាការផ្ទុះឡើងនូវការចម្លងជំងឺកូវីដ-១៩ក្នុងសហគមន៍ ដែលកន្លងមក ការរកឃើញវិជ្ជមានកូវីដ-១៩នៅខេត្តរតនគិរី គឺសុទ្ធសឹងជាករណីនាំចូលពីបណ្តាខេត្តដទៃ៕