ក្រូអាស៊ី ជើងឯករង World Cup 2018 ស្ថិតនៅលេខ៣ក្នុងពូល ដោយមានត្រឹម១ពិន្ទុ ប៉ុន្តែមានប្រៀបលើគូប្រជែងស្កុតឡែន លើចំនួនគ្រាប់បាល់ដែលបានស៊ុតបញ្ចូលទី។  

 

ក្រុមណាមួយដែលឈ្នះការប្រកួតនេះ មានន័យថា ពួកគេនឹងទទួលបាន៤ពិន្ទុ ដែលយ៉ាងហោចណាស់អាចស្ថិត ក្នុងចំណោម ក្រុមចំណាត់ថ្នាក់លេខ៣ឆ្នើម សម្រាប់កៅអីទៅកាន់វគ្គបន្ត ប៉ុន្តែបើបញ្ចប់ក្នុងលទ្ធផលស្មើ ពួកគេត្រូវហាលទាំងពីរ។ 
 

នាជំនួបពីរប្រកួតដំបូងក្នុងពូល ក្រូអាស៊ីចាញ់អង់គ្លេស ១-០ និងស្មើឆែក ១-១ រីឯស្កុតឡែនបានចាញ់ឆែក ២-០ និងស្មើ ជាមួយអង់គ្លេស ០-០ បានធ្វើឲ្យក្រុមទាំង២ មាន១ពិន្ទុស្មើគ្នា ។ 

ប្រវត្តិជួបគ្នា៥លើកកន្លងមក ក្រូអាស៊ីមិនដែលយកឈ្នះលើស្កុតឡែនឡើយដោយ ស្កុតឡែនបានឈ្នះ២ និងស្មើ ៣ ក្នុងនោះសុទ្ធសឹងតែក្នុងព្រឹត្តិការណ៍ជម្រុះ World Cup។

 

ក្រុមទាំងពីរមានកៅអីរួចទៅហើយទៅកាន់វគ្គ១៦ក្រុមចុងក្រោយ បើទោះបីលទ្ធផលនៃការប្រកួតនេះ បែបណាក៏ដោយ ប៉ុន្តែពួកគេត្រូវការឈ្នះរៀងៗខ្លួនសម្រាប់តំណែងលេខ១ក្នុងពូល។ នាការប្រកួត២ដំបូង ពួកគេឈ្នះ១ និងស្មើ១ដូចគ្នា។

 

ក្រុមទាំងពីរធ្លាប់បានធ្វើការប្រកួតគ្នាចំនួន៤ដងរួចមកហើយ ដោយកាលឆ្នាំ ១៩៩៨ អង់គ្លេសយកឈ្នះ ២-០ និងស្មើ ២-២ នៅឆ្នាំ២០០៨ នាការប្រកួតមិត្តភាព។ កាលពីឆ្នាំ២០១៩ នាកាប្រកួតជម្រុះ Euro 2020 នេះ អង់គ្លេសយកឈ្នះ ៥-០ ជើងទី១ បន្ទាប់មកឆែកបានឈ្នះ ២-១ វិញនៅជើងទី២៕