លោក គួយ ប៊ុនធឿន ប្រធានមន្ទីរសុខាភិបាលខេត្តកណ្តាល បានបញ្ជាក់ប្រាប់អ្នកសារព័ត៌មានថ្មីៗតាមទូរសព្ទថា ក្នុងចំណោមពលរដ្ឋចំនួនជិត៦០ម៉ឺននាក់ ដែលបានចាក់វ៉ាក់សាំងកូវីដ-១៩ គឺមានស្រី្ត២៤ម៉ឺននាក់។ តាមផែនការចាក់វ៉ាក់សំាងកូវីដ-១៩ ដូសទី១ នៅខេត្តកណ្តាល នឹងបញ្ចប់នៅថ្ងៃទី២៣ ខែមិថុនា ឆ្នាំ២០២១។ 

 

«ប៉ុន្តែពលរដ្ឋដែលមិនទាន់បានទៅចាក់វ៉ាក់សាំងកូវីដ-១៩ទៅតាមទីតាំងដែលកំណត់នោះទេ ពួកគេអាចបន្តទៅចាក់វ៉ាក់សាំងកូវីដ-១៩ នៅថ្ងៃដែលពលរដ្ឋទៅចាក់វ៉ាក់សាំងកូវីដ-១៩ ដូសទី២ ដែលគ្រោងធ្វើឡើងចាប់ពីថ្ងៃទី២៥ ខែមិថុនា ឆ្នាំ២០២១»។ នេះបើតាមលោក គួយ ប៊ុនធឿន។ 

 

ខេត្តកណ្តាលមានអ្នកឆ្លងជំងឺកូវីដ-១៩សរុបចំនួន៦,៤៤២នាក់ ក្នុងនោះជាសះស្បើយ ៤,៦៥៤នាក់ និងអ្នកស្លាប់ ២១នាក់ ក្នុងនោះស្រី១០នាក់។ នេះបើតាមប្រធានមន្ទីរសុខាភិបាលខេត្តកណ្តាល។ 

 

សូមជម្រាបថា កម្ពុជាមានពលរដ្ឋជាង៣,៤លាននាក់ហើយ ដែលបានចាក់វ៉ាក់សាំងកូវីដ-១៩ គិតជាភាគរយស្មើ៣៤,១៦ភាគរយ។ ក្នុងចំណោមពលរដ្ឋជាង៣,៤លាននាក់នោះ គឺមានជាង២,៧លាននាក់ ដែលបានចាក់វ៉ាក់សាំងកូវីដ-១៩ ដូសទី២៕