បង្ហាញខ្លួននៅ Euro 2020 ៣ប្រកួតដំបូង Cristiano Ronaldo បានតាមទាន់កំណត់ត្រា Ali Daei ខ្សែប្រយុទ្ធអ៊ីរ៉ង់ ក្នុងនាមកីឡាដែលរកបានគ្រាប់ស៊ុតបញ្ចូលទីច្រើនជាងគេក្នុងការប្រកួតអន្តរជាតិ១០៩គ្រាប់។ មិនតែប៉ុណ្ណោះ២គ្រាប់ក្នុងជំនួបព័រទុយហ្កាល់ស្មើបារាំង បានជួយខ្សែប្រយុទ្ធ Juventus បំបែកកំណត់ត្រា Miroslav Klose ដែលរកគ្រាប់បានច្រើនជាងគេលើលោកបូកបញ្ចូលគ្នាទាំងពានអឺរ៉ុប Euro និង World Cup ទៀតផង។

 

ក្រោយបំបែកកំណត់ត្រាខ្លួន Daei បានអបអរសាទរ Ronaldo តាមរយៈបណ្តាញសង្គម Instagram ផ្ទាល់របស់ខ្លួន។ អតីតខ្សែប្រយុទ្ធឆ្នើមរបស់អ៊ីរ៉ង់ ដែលសព្វថ្ងៃមានវ័យ៥២ឆ្នាំអះអាងថា នេះជាកិត្តិយសរបស់លោកដែលសមិទ្ធិផលដ៏អស្ចារ្យនេះ នឹងធ្លាក់ទៅម្ចាស់ពាន Ballon d’Or ៥សម័យ។ Daei សរសើរ Ronaldo ថាជាកីឡាករបាល់ទាត់ដ៏អស្ចារ្យ និងមានឥទ្ធិពលនៅទូទាំងពិភពលោក។
 

ឈានដល់ចំណុចនេះ ប្រធានក្រុមព័រទុហ្កាល់វ័យ៣៦ឆ្នាំត្រូវបានគេចាត់ទុកថាជាខ្សែប្រយុទ្ធដ៏អស្ចារ្យបំផុតលើលោករួចទៅហើយ ព្រោះរូបគេនៅមានឱ្យកាសច្រើនដើម្បីបំបែកកំណត់ត្រាដ៏កម្ររបស់ Daei នេះ។
 

គ្រាប់បាល់ទាំង១០៩គ្រាប់របស់ Ronaldo សម្រាប់ព័រទុយហ្កាល់ក្នុងការប្រកួតអន្តរជាតិ រកបានពីក្រុមជម្រើសជាតិចំនួន៤៤ ក្នុងនោះលីទុយអានី និងស៊ុយអែតជាក្រុមដែលអតីតខ្សែប្រយុទ្ធ Real Madrid និង Manchester United រកបានច្រើនជាងគេចំនួន៧គ្រាប់។

 
 

ក្រៅពីនោះ អង់ដូរ៉ា ហុងគ្រី និង លុចសំបួ រកបាន៦គ្រាប់ដូចគ្នា។ អាមេនី និងឡេតូនី Ronaldo ស៊ុតបញ្ចូលទីបាន៥គ្រាប់ ខណៈ អេស្តូនី កោះហ្វារ៉ូ និងហូង់ឡង់​ រកបាន៤គ្រាប់៕

ខាងក្រោមនេះជាក្រុមទាំង៤៤ដែល Ronaldo ធ្លាប់ស៊ុតបញ្ចូលទីក្នុងការប្រកួតអន្តរជាតិ៖