ភ្លាមៗក្រោយពីប្រមុខរដ្ឋាភិបាល ចេញបញ្ជានេះ ក្រសួងសុខាភិបាល ក៏បានតែងតាំងសមាសភាពនៃលេខាធិការដ្ឋាន និងក្រុមការងារចំណុះអនុគណៈកម្មការគ្រប់គ្រង និងចាត់ចែងសាកសពអ្នកជំងឺផងដែរ។ ក្នុងនោះលោក ឆាន់ ចន្ទសុភក្តី អគ្គនាយករដ្ឋបាលក្រសួងមហាផ្ទៃ ជាប្រធាន និងលោក វង់ សែនវិចិត្រ ប្រធាននាយកដ្ឋានក្រសួងមហាផ្ទៃ ជាអនុប្រធាន រួមទាំងសមាជិក៥រូបទៀត។
 

ដោយឡែកក្រុមការងារទទួលបន្ទុកសាកសពជនបរទេសវិញ មានលោក ណុប នរិន្ទ អគ្គនាយករងអន្តោប្រវេសន៍ក្រសួងមហាផ្ទៃ ជាប្រធាន និងលោក ស៊ុង វិនតៈ ប្រធាននាយកដ្ឋានសហប្រតិបត្តិការអន្តរជាតិនៃក្រសួងសុខាភិបាល ជាអនុប្រធាន រួមទាំងសមាជិក៥រូប។ 
 

ចំណែកលោក គិន រោជ អគ្គនាយករងអត្តសញ្ញាណកម្មក្រសួងមហាផ្ទៃ ជាប្រធានក្រុមការងារទទួលបន្ទុកសាកសពជនជាតិខ្មែរ រីឯលោកស្រី ក្រង ស៊ីដន អនុប្រធាននាយកដ្ឋានប្រយុទ្ធប្រឆាំងជំងឺឆ្លងនៃក្រសួងសុខាភិបាល ជាអនុប្រធាន ដោយអមជាមួយសមាជិក៤រូបទៀត។
 

សម្រាប់ក្រុមការងារទទួលបន្ទុកសម្របសម្រួល មានលោក មួង សុធា អគ្គស្នងការរងនគរបាលជាតិនៃក្រសួងមហាផ្ទៃ ជាប្រធាន និងលោក ហុក ខៀវ អនុប្រធាននាយកដ្ឋាននីតិកម្មក្រសួងសុខាភិបាល ជាអនុប្រធាន និងមានសមាជិក៥រូប ចូលរួមកិច្ចការងារនេះ៕