ភ្នំពេញ៖ លោកយាយ ហូ ខាំ អាយុ១០១ឆ្នាំម្នាក់ បានស្ម័គ្រចិត្តចាក់វ៉ាក់សាំងកូវីដ-១៩ និងទទួលបានអំណោយពីសម្ដេច ហ៊ុន សែន នៅថ្ងៃទី០២ ខែកក្កដា ឆ្នាំ២០២១ ។ នេះបើតាមក្រសួងសុខាភិបាល។


រដ្ឋលេខាធិការក្រសួងសុខាភិបាល និងជាប្រធានគណកម្មការចំពោះកិច្ចចាក់វ៉ាក់សាំងកូវីដ-១៩ លោកស្រី ឱ វណ្ណឌីន បាននាំយកជំនួយឧបត្ថម្ភថវិកាចំនួន ៣លានរៀល និងសម្ភារៈឧបភោគបរិភោគទៅប្រគល់ជូនដល់លោកយាយ ហូ ខាំ ដែលបានស្ម័គ្រចិត្តចាក់វ៉ាក់សាំងកូវីដ-១៩ នៅសាលាបឋមសិក្សាចតុមុខ។ លោកយាយ វ័យ១០១ឆ្នាំរូបនេះ ចាក់វ៉ាក់សាំង Sinovac ជាដូសទី២។

គិតត្រឹមថ្ងៃទី១ កក្កដា មន្ត្រីរាជការ និងពលរដ្ឋ ៤,៣លាននាក់ហើយ បានចាក់វ៉ាក់សាំងកូវីដ-១៩ ដែលស្មើនឹង៤៣,០៥ ភាគរយ នៃផែនការចាក់វ៉ាក់សាំងលើមនុស្ស១០នាក់ រដ្ឋាភិបាល។ ក្នុងចំណោមអ្នកចាក់វ៉ាក់សាំងទាំងនេះ ក្នុងនោះមានពលរដ្ឋ៣,១លាននាក់ បានចាក់វ៉ាក់សាំងដូសទី២ ។ នេះបើតាមក្រសួងសុខាភិបាល។