អ្នកប្រណាំងសញ្ជាតិហូឡង់ដែលបើកបរឱ្យក្រុម Red Bull សម្រេចទីមុនគេដោយប្រើថេរវេលា ១ម៉ោង ២៣នាទី និង៥៤វិនាទី តាមពីក្រោយដោយ Valtteri Bottas របស់ក្រុម Mercedes ខណៈ Lando Norris របស់ McLaren ទទួលបានចំណាត់ថ្នាក់ទី៣។
 

ក្រោយរកបានជ័យជម្នះទី៥ ក្នុងការប្រណាំង៩លើក Verstappen បង្ហាញភាពលេចធ្លោកាន់តែខ្លាំងឡើងនិងមានភាគរយខ្ពស់ក្នុងការប្រជែងជើងឯក F1 រដូវកាល ២០២១នេះ ក្រោយកើនពិន្ទុនាំមុខគូប្រជែង Hamilton ចំនួន៣២ពិន្ទុ។
 

Verstappen កើនពិន្ទុសរុបដល់១៨២ពិន្ទុ ឈរលេខ១បណ្តោះអាសន្នក្នុងតារាង F1 តាមពីក្រោយដោយអ្នកប្រណាំងអង់គ្លេស Hamilton ដែលបើកឱ្យ Mercedes រកបាន១៥០ពិន្ទុ។ Sergio Perez មិត្តរួមក្រុម Red Bull នៅលេខ៣មាន១០៤ពិន្ទុ។


 

ក្រោយ Verstappen ទទួលបានជ័យជម្នះផ្ទួនៗនៅការប្រណាំងចុងក្រោយ Hamilton ម្ចាស់ជើងឯក F1 ៧សម័យសារភាពថា គូប្រជែងដ៏លេចធ្លោរបស់ខ្លួនរូបនេះ កំពុងធ្វើដំណើរទៅមុខឆ្ងាយៗទៅហើយ។ ក្នុងការប្រណាំង២ខែចុងក្រោយ Hamilton ដែលធ្លាប់ឈ្នះ៣លើករដូវកាលនេះ អាក់ខានទទួលបានពិន្ទុជាច្រើន ក្រោយបញ្ចប់ត្រឹមចំណាត់ថ្នាក់ទី២ និងក្រោមៗនេះជារឿយៗ។
 

ដោយឡែកផ្នែកគ្រឿងម៉ាស៊ីន ក្រុម Red Bull បន្តកើនពិន្ទុនាំមុខ Mercedes ចំនួន៤៤ពិន្ទុ។ Red Bull រកបាន២៨៦ពិន្ទុពីការប្រណាំង៩លើក ខណៈ Mercedes មាន២៤២ពិន្ទុ។ ក្រុម McLaren-Mercedes ស្ថិតនៅចំណាត់ថ្នាក់ទី៣ កើនបាន១៤១ពិន្ទុ។
 

ការប្រណាំងនៅទីលានទី១០ នឹងធ្វើឡើងក្នុងប្រទេសអង់គ្លេស ក្នុងកម្មវិធី Brithish Grand Prix នាថ្ងៃទី១៨ ខែកក្កដា៕