ភ្នំពេញ៖ លោកតា ណុប មាន វ័យ៧០ឆ្នាំ គឺជាមនុស្សទី៥លាន ដែលបានចាក់វ៉ាក់សាំងបង្ការជំងឺកូវីដ-១៩ នៅថ្ងៃទី១៣ កក្កដានេះ។ សម្ដេច ហ៊ុន សែន នឹងផ្ដល់ថវិកា១០លានរៀល ដល់លោក ណុប មាន ដើម្បីជាការលើកទឹកចិត្ត។

 

តាមរយៈហ្វេសប៊ុក សម្ដេច ហ៊ុន សែន បានបញ្ជាឱ្យលោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល នាំយកថវិកា និងសម្ភារៈផ្សេងទៀត ទៅប្រគល់ជូនលោកតា ណុប មាន ផ្ទាល់តែម្ដង។ លោកតា ណុប មាន ជាកសិកររស់នៅភូមិសែនសំ ឃុំអូរស្វាយ ស្រុកត្រពាំងប្រាសាទ

ខេត្តឧត្តរមានជ័យ។

 

បើគិតត្រឹមតួលេខអ្នកចាក់វ៉ាក់សាំង៥លាននាក់នេះ បានន័យថា យុទ្ធនាការចាក់វ៉ាក់សាំងជូនពលរដ្ឋកម្ពុជា សម្រេចបាន៥០ភាគរយហើយ នៃផែនការចាក់វ៉ាក់សាំងពលរដ្ឋយ៉ាងតិច១០លាននាក់នោះ។