TF Motors Cambodia ជាក្រុមហ៊ុនដ៏ធំមួយដែលទទួលបានសិទ្ធិក្នុងការនាំចូលផ្តាច់មុខនូវផលិតផលល្បីៗដូចជា ៖ រថយន្ត MG, រថយន្ត Maxus និង ម៉ូតូ Royal Enfield មកកាន់ទីផ្សារប្រទេសកម្ពុជា។ ដោយយល់ឃើញ ពីចំណុចសំខាន់សម្រាប់សុខភាពរបស់បុគ្គលិក ក្រុមហ៊ុនបានរៀបចំអាហារសុខភាពដែលជាប្រភេទអាហារថ្ងៃត្រង់ ដោយឡែកៗ ហើយជូនទៅបុគ្គលិកទាំងអស់ ហើយពួកគេបានញាំផ្សេងៗគ្នាដោយរក្សាគម្លាត។ ពួកគេក៏បានបង្កើតជាវីឌីអូខលខណៈពេលកំពុងញាំ ដើម្បីបង្កើនភាពស្និទ្ធស្នាល។ មើលទៅពិតជារីករាយព្រមទាំងទទួលបាននូវសុវត្ថិភាពនៅកន្លែងធ្វើការណាស់។

 

ចំណុចសំខាន់មួយទៀតដែលក្រុមហ៊ុន TF Motors សម្រេចផ្តល់ជូននូវអាហារសុខភាពដល់បុគ្គលិកពួកគេ គឺលើកទឹកចិត្តនិងផ្តល់ជូននូវបរិយាកាសការងារដ៏ល្អផងដែរ។ ជាឧទាហរណ៏ ដើម្បីថែរក្សារបុគ្គលិកល្អរបស់ពួកគេ គឺអាចជំរុញឱ្យអ្នកទាំងអស់គ្នាបរិភោគនូវអាហារដែលមានសុខភាពល្អដូចជាផ្លែឈើនិងបន្លែធម្មជាតិ ព្រមទាំងអនុញ្ញាតឱ្យពួកគេទទួលបាននូវអាហារូបត្ថម្ភគ្រប់គ្រាន់។ ហើយមិនត្រឹមតែពួកគេអាចទទួលបានជម្រើសអាហារដែលមានសុខភាពល្អប៉ុណ្ណោះទេប៉ុន្តែថែមទាំងទទួលបាននូវបរិបទការងារដ៏ល្អដែលតែងតែផ្តោតធ្ងន់ទៅលើការរស់នៅប្រកបដោយសុខភាពល្អ។

 

លោក ពុំ សូរិយា នាយកគ្រប់គ្រងក្រុមហ៊ុន TF Motors Cambodia បានមានប្រសាសន៏ថា៖ “យើងខ្ញុំនឹងផ្តល់ជូននូវអាហារសុខភាពដែលមានអត្ថប្រយោជន៏ច្រើនដើម្បីឱ្យបុគ្គលិកទទួលបាននូវសុខភាពល្អ ព្រមទាំងបង្ហាញពីការញាំអាហារដែលល្អៗដើម្បីជាការលើកទឹកចិត្តនិងជំរុញឱ្យការងាររបស់ពួកគេកាន់តែល្អប្រសើរឡើង ពីការទទួលបានពីអាហារសុខភាពដែលផ្តល់ជូនដោយក្រុមហ៊ុន TF Motors។ យើងខ្ញុំពិតជាសប្បាយរីករាយណាស់នៅពេលដែលបុគ្គលិកទាំងអស់គឺមានសុខភាពល្អ ដើម្បីអភិវឌ្ឍន៍ក្រុមហ៊ុនរបស់យើង ព្រមទាំងបន្តភាពរីកចម្រើនទៅមុខជាមួយគ្នា៕”

(អត្ថបទពាណិជ្ជកម្ម)