កីឡាការិនីតេក្វាន់ដូថៃ Wongpattanakit Panipak បានឈ្នះមេដាយមាសក្នុងទម្ងន់ក្រោម៤៩គីឡូក្រាម នាការប្រកួតកីឡាអូឡាំពិកក្រុងតូក្យូ នៅថ្ងៃទី២៤ ខែកក្កដានេះ។

 

នៅវគ្គ១៦នាក់ Wongpattanakit បានយកឈ្នះកីឡាការិនីអ៊ីស្រាអែល Semberg Abishag ហើយបន្តយកឈ្នះកីឡាការិនីវៀតណាម Truong Thi Kim Tuyen នៅវគ្គ៨នាក់ចុងក្រោយ។

 

ឈានដល់វគ្គពាក់កណ្តាលផ្តាច់ព្រ័ត្រ កីឡាការិនីថៃរូបនេះ បានយកឈ្នះកីឡាការិនីម្ចាស់ផ្ទះជប៉ុន Yamada Miyu មុននឹងប្រជែងឈ្នះមេដាយមាសលើកីឡាការិនីអេស្ប៉ាញ Cerezo Iglesias Adriana ក្នុងលទ្ធផល ១១-១០៕