រថយន្ដអគ្គិសនីដែលត្រូវបានប្រើប្រាស់ដោយឯកអគ្គរាជទូតអង់គ្លេសប្រចាំកម្ពុជានោះ ជាម៉ាក JAGUAR ប្រភេទ I-Pace មិនប្រើប្រេងឥន្ធនៈទេ។ វាមិនបញ្ចេញផ្សែងបំពុលបរិយាកាសទេ។ JAGUAR I-Pace ត្រូវបានផលិតឆ្នាំ២០១៨ ។ ជំនាន់ទី២ ចាប់ផ្តើមផលិតនៅឆ្នាំ២០២០។ ត្រូវដំឡើងវាក្នុងរោងចក្រមួយស្ថិតនៅប្រទេសអូទ្រីស។ អាគុយពេញ វាអាចជិះបានជិត ៥០០គីឡូម៉ែត្រ។ វាមានល្បឿនអតិបរមា ១៨០គីឡូម៉ែត្រក្នុងមួយម៉ោង។ វាមានតម្លៃពី ៣៧៥លានរៀល ទៅ៤០០លានរៀល។ 

 

 

 

 

ក្រុមហ៊ុន JAGUAR ត្រូវបានបង្កើតឡើងឆ្នាំ១៩២២ នៅប្រទេសអង់គ្លេស។ ពេលបច្ចុប្បន្នមាននាយកសញ្ជាតិបារាំង លោក BOLLORÉ Thierry ក្នុងនាមជាអ្នកគ្រប់គ្រងក្រុមសម្ព័ន្ធ JAGUAR LAND ROVER។ តាំងពីឆ្នាំ១៩៩២ លោកក៏មានក្រុមហ៊ុនមួយផ្សេងទៀតនៅប្រទេសកម្ពុជា ដែលមានឈ្មោះថា BOLLORÉ logistics៕