Mohamed Khalil Jendoubi ដែលមានវ័យ ១៩ឆ្នាំបានភ្លាត់ស្នៀតចាញ់ក្រោមដៃកីឡាករអ៊ីតាលី Vito Dell'Aquila ក្នុងការដណ្តើមយកមេដាយមាសក្នុងវិញ្ញាសារតេក្វាន់ដូទម្ងន់ ៥៨គីឡូក្រាម។ ជាមួយទម្រង់មុខរបស់ខ្លួន កីឡាកររូបនេះ ត្រូវបានអ្នកគាំទ្រជាច្រើនប្រៀបធៀបនឹងកីឡាករ Bruno Fernandes របស់ក្លិប Manchester United ។ ប៉ុន្តែរូបគេថា មិនមែនឡើយ។
 

មុនការប្រកួតដណ្តើមមេដាយមាសទល់នឹង Vito កាលពីថ្ងៃសៅរ៍ អ្នកសារព័ត៏មានរបស់ BEIN Sports បានសួរទៅកាន់ Jendoubi  ថា តើអ្នកមានដឹងទេថាអ្នកមើលទៅស្រដៀងទៅនឹង Bruno Fernandes? Jendoubi បានឆ្លើយថា មុខខ្លួនស្រដៀងអតីតកីឡាករបាល់ទាត់របស់ក្លិបកាំភ្លើងធំ Arsenal Mesut Ozil ជាង Bruno ។

 

គិតត្រឹមថ្ងៃចន្ទ ទី២៦ ខែកក្កដា នេះ ទុយនីស៊ី ឈ្នះមេដាយពីរហើយព្រឹត្តិការណ៍ Tokyo 2020 ។ កីឡាករ Hafnaoui Ahmed បានឈ្នះមេដាយមាសលើវិញ្ញាសាហែលទឹកសេរីចម្ងាយ៤០០ម៉ែត្រ៕