ជារៀងរាល់ឆ្នាំ ចន្លោះពីថ្ងៃទី ១ ខែឧសភា ដល់ថ្ងៃទី ៣០ ខែកញ្ញា រដ្ឋបាលខេត្តស្ទឹងត្រែង បានចេញសេចក្តីជូនដំណឹង ស្តីពីរដូវបិទនេសាទ ដើម្បីទុកឱកាសឱ្យត្រីពង-កូន។ ទោះយ៉ាង ប្រជានេសាទនៅតែត្រូវបានអនុញ្ញាតឱ្យបន្តនេសាទជាមួយឧបករណ៍នេសាទខ្នាតតូចដដែល តែហាមដាច់ខាត ការប្រើប្រាស់ឧបករណ៍នេសាទដូចជា មង ឆក់ បំពុល និងគ្រឿងផ្ទុះជាដើម។

 

ប៉ុន្តែ គួរឱ្យសោកស្តាយ ទោះបីយ៉ាងណា គេសង្កេតមើលថានៅតាមផ្សារនានា ក្នុងខេត្តស្ទឹងត្រែង មានត្រីមេពូជដែលមានពងពេញៗ ត្រូវបានគេចាប់យកមកលក់។ គម្រោងអច្ឆរិយភាពនៃទន្លេមេគង្គ សូមអំពាវនាវដល់ប្រជាជនកម្ពុជាទាំងអស់ ក្នុងរដូវត្រីពង-កូននេះ សូមមេត្តាកុំទិញ និងពិសាត្រីដែលមានពងក្នុងពោះ។ សូមចុចលើតំណភ្ជាប់នេះ ដើម្បីស្តាប់បទកំណាព្យ អំពីរដូវបិទនេសាទក្នុងខេត្តស្ទឹងត្រែង។