កីឡាការិនីមកពីប្រទេសហ្សាម៉ៃអ៊ីក Thomson-Herah Elaine បានឈ្នះមេដាយមាស ហើយមិត្តរួមជាតិរបស់ខ្លួន គឺ Fraser-Pryce Shelly-Ann និង Jackson Shericka បានឈ្នះមេដាយប្រាក់ និងសំរឹទ្ធលើវិញ្ញាសារត់ល្បឿនចម្ងាយ១០០ម៉ែត្រក្នុងព្រឹត្តិការណ៍កីឡាអូឡាំពិកក្រុងតូក្យូ (Tokyo 2020)។

 

Elaine សម្រេចបានក្នុងថិរវេលា ១០.៦១វិនាទី ដែលជាការបំបែកកំណត់ត្រាអូឡាំពិកសម្រាប់រយៈពេល៣៣ឆ្នាំចុងក្រោយ។ 

 

Shelly-Ann Fraser-Pryce បានមេដាយប្រាក់ជាមួយនឹងថិរវេលា ១០.៧៤វិនាទី រីឯ  Shericka Jackson ក្នុងថិរវេលា ១០.៧៦ ដើម្បីទទួលបានមេដាយសំរឹទ្ធ។ 

 

កីឡាការិនីផ្សេងទៀតដែលឈានដល់វគ្គផ្តាច់ព្រ័ត្រ មានកីឡាការិនីកូតឌីវ័រ១រូប ស្វីស២រូប អាមេរិក១រូប និងចក្រភពអង់គ្លេស១រូប៕