COVID-19
ជាតិ
យុវតីម្នាក់ចាក់វ៉ាក់សាំងបង្ការជំងឺកូវិដ-១៩ នៅថ្ងៃទី១ ខែសីហានេះ នៅមណ្ឌលសុខភាពផ្សារដើមថ្កូវ។
×![]()
ដោយ: ខន ចំប៉ា
យុទ្ធនាការចាក់វ៉ាកសាំងបង្ការជំងឺកូវីដ-១៩ លើកុមារ និងយុវវ័យកម្ពុជា ដែលមានអាយុចាប់ពី១២ ឆ្នាំ ដល់១៧ឆ្នាំ បានចាប់ផ្តើមហើយនៅថ្ងៃទី១ ខែសីហានេះ។ យុទ្ធនាការនេះ ចាប់ផ្តើមមុនគេនៅរាជធានីភ្នំពេញ ខេត្តកណ្តាល កោះកុង និងខេត្តព្រះសីហនុ។ សម្តេចហ៊ុន សែន នាយករដ្ឋមន្ត្រីកម្ពុជា កំពុងធ្វើសន្និសីទកាសែត ជុំវិញការបើកយុទ្ធនាការចាក់វ៉ាក់សាំងលើកុមារ និងយុវវ័យនេះ នៅវិមានសន្តិភាពផងដែរ។ 
ជុំវិញយុទ្ធនាការចាក់វ៉ាក់សាំងនៅរាជធានីភ្នំពេញ គ.វ.ក-១៩ បានរៀបចំទីតាំងចំនួន៥ សម្រាប់ការចាក់ដល់កូនចៅឥស្សរជន ដែលមានតួនាទីជាឧបនាយករដ្ឋមន្ត្រី ឬឋានៈ រហូតដល់មន្ត្រីរាជការ និងមន្ត្រីជាប់កិច្ចសន្យា, កូនចៅឧកញ៉ា មន្ត្រីទូត មន្ត្រីអង្គការសហប្រជាជាតិ តំណាងស្ថាប័នហិរញ្ញវត្ថុអន្តរជាតិ អង្គការអន្តរជាតិ អង្គការក្រៅរដ្ឋាភិបាល និងកូនចៅអ្នកសារព័ត៌មាន។ ទីតាំងទាំង៥នោះ មានមន្ទីរពេទ្យកាល់ម៉ែត, មន្ទីរពេទ្យព្រះអង្គឌួង, មន្ទីរពេទ្យគន្ធបុប្ផាភ្នំពេញ (វត្តភ្នំ) និងមជ្ឈមណ្ឌលជាតិគាំពារមាតា និងទារក និង មន្ទីរពេទ្យកុមារជាតិ
សម្រាប់ទីតាំងចាក់វ៉ាក់សាំងកូវីដ-១៩ របស់កូនចៅមន្ត្រីរាជការថ្នាក់ក្រោមជាតិ និងប្រជាបលរដ្ឋទូទៅនៅរាជធានីភ្នំពេញ គឺស្ថិតនៅទីតាំងនានា នៅក្នុងខណ្ឌទាំង១៤ ដែលរៀបចំដោយរដ្ឋបាលរាជធានីភ្នំពេញ។ ចំពោះទីតាំងចាក់នៅតាមបណ្តាខេត្ត៣ទៀត គឺរដ្ឋបាលខេត្តទាំងនោះជូនដំណឹងពីទីតាំង ជាបន្តបន្ទាប់ដល់ពលរដ្ឋ៕
© រក្សាសិទ្ធិដោយ thmeythmey.com
