COVID-19
ជាតិ
ព្រះវិហារ៖ ឃុំជាំក្សាន្ត ត្រូវកំណត់ជា«តំបន់ក្រហម» និងភូមិ-ឃុំ៤ទៀតជា«តំបន់លឿងទុំ» ការកំណត់តំបន់ក្រហមនិងលឿងទុំ ក្នុងខេត្ត ព្រះវិហារ
× ភ្នំពេញ៖ រដ្ឋបាលខេត្តព្រះវិហារសម្រេចដាក់ឃុំជាំក្សាន្ត «តំបន់ក្រហម» ខណៈឃុំមរកត,ឃុំទឹកក្រហម, ឃុំរំដោះស្រែ ស្រុកជាំក្សាន្តនិងភូមិឡឥដ្ឋ ក្នុងក្រុងព្រះវិហារ «ជាតំបន់លឿងទុំ» រយៈពេល១៤ថ្ងៃ ពីថ្ងៃទី៣១ កក្កដា ដល់ថ្ងៃទី១៣ សីហា។នេះបើតាមរដ្ឋបាលខេត្តព្រះវិហារ។
បន្ទាប់ពីមានការរីករាលដាលនៃជំងឺកូវីដ-១៩រដ្ឋបាលខេត្តព្រះវិហារ សម្រេចកំណត់ឱ្យមានតំបន់ក្រហម និងតំបន់លឿងទុំ។
បើតាមរដ្ឋបាលខេត្តព្រះវិហារ ឃុំជាំក្សាន្ត ស្ថិតក្នុងស្រុកជាំក្សាន្ត ត្រូវបានកំណត់ជា«តំបន់ក្រហម»ដែលជាតំបន់មានការឆ្លងរាលដាលច្រើន។ ចំណែកឯឃុំមរកត, ឃុំទឹកក្រហម, ឃុំរំដោះស្រែ នៃស្រុកជាំក្សាន្តនិងភូមិឡឥដ្ឋ ស្ថិតក្នុងក្រុងព្រះវិហារ ក៏ត្រូវបានកំណត់ជា «តំបន់លឿងទុំ»ដែរ។
គិតមកដល់ថ្ងៃទី៣១ កក្កដាខេត្តព្រះវិហារ មានអ្នកវិជ្ជមានកូវីដ-១៩ សរុបចំនួន ៦១២នាក់ ក្នុងនោះ៣៤៤នាក់ជាសះស្បើយ និងមានស្លាប់ ១នាក់។ សូមបញ្ជាក់ថា ខេត្តព្រះវិហារ ជាខេត្តមួយក្នុងចំណោមខេត្តចំនួន៨ផ្សេងទៀត ដែលរដ្ឋាភិបាលបានបិទខ្ទប់ រយៈពេល១៤ថ្ងៃពីថ្ងៃទី៣០ កក្កដា ដល់ថ្ងៃទី១២ សីហា៕
Tag:
តំបន់ក្រហម
តំបន់លឿងទុំ
© រក្សាសិទ្ធិដោយ thmeythmey.com