ជាតិ
សង្គមជាតិ
បច្ចុប្បន្ន កម្ពុជាមានអ្នកឆ្លងកូវីដ-១៩ Delta សរុប២២៣ករណី ទិដ្ឋភាពបិទខ្ទប់សង្កាត់មួយចំនួនក្នុងក្រុងសៀមរាប ខេត្តសៀមរាបបន្ទាប់ពីមានការរាតត្បាតជំងឺកូវីដ-១៩ និងជំងឺកូវីដ-១៩បំប្លែងថ្មី។ រូបភាពពីរដ្ឋបាលខេត្តសៀមរាប
× ភ្នំពេញ៖ គិតចាប់ពីថ្ងៃទី៣១ ខែមីនា ដល់ថ្ងៃទី២ ខែសីហា ឆ្នាំ២០២១ កម្ពុជារកឃើញអ្នកកើតជំងឺកូវីដ-១៩បំប្លែងថ្មី Delta សរុបចំនួន២២៣នាក់ហើយ ក្នុងនោះមានស្រី៨០នាក់។ នេះបើតាមសេចក្តីជូនព័ត៌មានរបស់ក្រសួងសុខាភិបាល។
បើតាមក្រសួងសុខាភិបាល អ្នកកើតជំងឺកូវីដ-១៩បំប្លែងថ្មីដែលតានោះ គឺភាគច្រើនជាពលករខ្មែរដែលធ្វើដំណើរមកពីប្រទេសថៃ ដោយឆ្លងកាត់ច្រកព្រំដែនកម្ពុជា អូស្មាច់, អូបីជាន់,ម៉ាឡៃ និងព្រំជាដើម។
ជំងឺកូវីដ-១៩បំប្លែងថ្មីនេះបានរាលដាលពីខេត្តបន្ទាយមានជ័យ,ឧត្តរមានជ័យបាត់ដំបង,សៀមរាប,ត្បូងឃ្មុំ, ប៉ៃលិន,កំពង់ធំ,កំពង់ចាម,ព្រៃវែង និងបានរាលដាលដល់រាជធានីភ្នំពេញ។
មកទល់ពេលនេះ កម្ពុជាមានអ្នកវិជ្ជមានកូវីដ-១៩សរុប ៧៧,៩១៤ នាក់ ក្នុងនោះ១០,៨០២ នាក់ ជាករណីនាំចូល។ អ្នកជាសះស្បើយមាន៧០,៧៥៤ នាក់ និងស្លាប់សរុប ១,៤២០នាក់៕
© រក្សាសិទ្ធិដោយ thmeythmey.com