ជាមួយគ្នានេះ រដ្ឋបាលកំពង់ធំ បានបញ្ជាក់ឱ្យអាជីវកទាំងអស់នៅផ្សារកំពង់ធំ ត្រូវពិនិត្យសំណាករកមេរោគកូវីដ-១៩ នៅសាលាបឋមសិក្សាកំពង់ធំក្រុង។ រីឯ អ្នកធ្លាប់ចេញចូលផ្សារ ត្រូវតាមដានសុខភាពរបស់ខ្លួនជាប្រចាំ បើមានរោគសញ្ញា ត្រូវប្រញប់ទាក់ទងទៅអាជ្ញាធរ ឬមណ្ឌលសុខភាពដែលនៅកៀកបំផុត ដើម្បីធ្វើតេត្តរកមេរោគកូវីដ-១៩។

 

តាមរបាយការណ៍ រដ្ឋបាលខេត្តកំពង់ធំ នៅថ្ងៃទី៧ សីហា បានរកឃើញវិជ្ជមានថ្មី៥២ករណី ភាគច្រើននៅស្រុកស្ទឹងសែន និង៦ស្រុកផ្សេងទៀត។ គិតមកដល់ពេលនេះ ខេត្តកំពង់ធំ បានរកឃើញករណីវិជ្ជមានកូវីដ-១៩ ចំនួន ២,២៨៣នាក់ ក្នុងនោះ ជាសះស្បើយ ១,៤១៣នាក់និងស្លាប់ ៦៦នាក់៕