សហរដ្ឋអាមេរិកដែលមានករណីច្រើនជាង កើនតួលេខដល់ជាង៣៦.៥លាននាក់ តាមពីក្រោយដោយឥណ្ឌា ជិត៣២លាននាក់ ប្រេស៊ីលជាង២០លាននាក់ រុស្ស៊ី បារាំង និងចក្រភពអង់គ្លេស មានជាង៦លាននាក់រៀងៗខ្លួន។

 

តួកគី និងអាហ្សង់ទីន មានជាង៥លានករណីដូចគ្នា កូឡុំប៊ី អេស្ប៉ាញ អ៊ីតាលី និងអ៊ីរ៉ង់ ស្ថិតក្នុងចំណោមប្រទេសមានជាង៤លានករណី រីឯអាល្លឺម៉ង់ និងឥណ្ឌូណេស៊ី មានជាង៣លានករណី។ ជាង២លានករណី មាននៅម៉ិកស៊ិក ប៉ូឡូញ អាហ្វ្រិកខាងត្បូង អ៊ុយក្រែន និងប៉េរូ។

 

បណ្តាប្រទេសដែលមានជាង១លានករណី ហើយឈរនៅពីលើជប៉ុន រួមមានហូឡង់ អ៊ីរ៉ាក់ សាធារណរដ្ឋឆែក ហ្វីលីពីន ស៊ីលី កាណាដា បង់ក្លាដែស ម៉ាឡេស៊ី បែលហ្ស៊ិក ស៊ុយអែត រូម៉ានី និងប៉ាគីស្ថាន។

 

ក្នុងចំណោមអ្នកស្លាប់ជិត៤.៣លាននាក់ អាមេរិកមានជាង៦៣ម៉ឺន ប្រេស៊ីលជាង៥៦ម៉ឺន ឥណ្ឌាជាង៤២ម៉ឺន ម៉ិកស៊ិកជាង២៤ម៉ឺន ខណៈប៉េរូជិត២០ម៉ឺន។ ប្រទេសទៀតដែលមានអ្នកស្លាប់លើសពី១០ម៉ឺននាក់ មាន រុស្ស៊ី ចក្រភពអង់គ្លេស អ៊ីតាលី កូឡុំប៊ី បារាំង អាហ្សង់ទីន និងឥណ្ឌូណេស៊ី៕