បើតាមវេជ្ជបណ្ឌិតជំនាញរូបនេះ ដើម្បីការពារសុខភាពក្នុងអំឡុងពេលកើនឡើងកម្ដៅខ្លាំងនេះ ត្រូវចៀសវាងការត្រូវកម្ដៅថ្ងៃផ្ទាល់ ដោយត្រូវប្រើប្រាស់ឡេការពារកម្ដៅដែលមានSPS ៣០បូកឡើងទៅ ,ពាក់វែនតាការពារកម្ដៅថ្ងៃ, ពាក់មួក និងស្លៀកសម្លៀកបំពាក់ជិតៗជាដើម។ 
 

វេជ្ជបណ្ឌិតឯកទេសស្បែក និងសម្ភស្ស ឯក ផាណារី  បានបន្ថែមថា​ ការប្រើឡេការពារកម្ដៅថ្ងៃ ប្រៀបដូចជារបាំងសម្រាប់ការពារស្បែក ដូចនេះត្រូវប្រើប្រាស់ឱ្យបានត្រឹមត្រូវទើប មានប្រសិទ្ធភាព។ វេជ្ជបណ្ឌិតរូបនេះ ពន្យល់ដូច្ន៖« របៀបនៃការប្រើប្រាស់ឡេការពារកម្ដៅថ្ងៃនោះ គឺយើងត្រូវតែលាងមុខឱ្យស្អាតសិន ដើម្បីលាបទៅចូលមុខល្អ ហើយការលាបត្រូវមានបរិមាណឱ្យបានត្រឹមត្រូវ សម្រាប់មុខនិងក អាចប្រើបរិមាណ១ថ្នាំងដៃ ដងខ្លួនត្រូវលាបបរិមាណច្រើនព្រោះដងខ្លួនមានផ្ទៃធំ ។ ឡេការពារកម្ដៅថ្ងៃ ការពារបានលុះត្រាតែរយៈពេល៣០នាទីឡើងទៅ អ៊ីចឹងនៅពេលយើងលាបហើយ៣០នាទី ទើបអាចចេញក្រៅបាន និងត្រូវលាប៣ម៉ោងម្ដង»។​ 
 

ទន្ទឹមនេះ វេជ្ជបណ្ឌិត ឯក ផាណារី   ណែនាំឱ្យពិសាទឹកឱ្យបានច្រើន បរិភោគអាហារសម្បូរជីវជាតិ និងសម្រាកឱ្យបានគ្រប់គ្រាន់ ដើម្បីកុំឱ្យបាត់បង់ជាតិទឹក ការពារស្បែក និងឆាប់អស់កម្លាំង៕