លោករដ្ឋមន្ត្រី បញ្ជាក់ដូច្នេះ៖«ត្រូវតែគោរពច្បាប់ គឺប្រកាន់ស្តាំ! យើងបើកយឺត ត្រូវនៅខាងស្តាំ ទុកឱ្យគេបើកតាមល្បឿនកំណត់នេះ គេបើកខាងឆ្វេង ជាពិសេសឡានធំហ្នឹងត្រូវបើកខាងស្តាំ កុំបើកខាងឆ្វេងឱ្យសោះ។ ហេតុនេះ កំពុងតែច្បាប់យើងនេះ កំពុងធ្វើវិសោធនកម្មច្បាប់ ហើយអាចមានការផាកពិន័យ ចំពោះរថយន្តធុនធ្ងន់ដែលបើកយឺត ហើយបើកនៅគន្លងខាងឆ្វេង! កំពុងតែពិចារណាលើការផាកពិន័យនេះ»។

 

 

 

ក្រៅពីបង្ហើបពីគម្រោងផាកពិន័យលើយានយន្តធុនធ្ងន់ដែលបើកខុសគន្លងនេះ លោក ស៊ុន ចាន់ថុល ក៏ទទូចឱ្យម្ចាស់រថយន្តដឹកទំនិញនេះ កុំដឹកទំនិញលើសច្បាប់កំណត់ដែលបង្កឱ្យផ្លូវខូចខាតមុនអាយុកាល។ រដ្ឋមន្ត្រីក្រសួងសាធារណការ គូសបញ្ជាក់ជាថ្មី ជុំវិញការបន្តរឹតបន្តឹង លើយានយន្តដែលល្មើសច្បាប់នេះ។