ក្រោយមន្ត្រីត្រួតពិនិត្យ រកឃើញសារធាតុមេតាណុលនោះ ស្តុកទុក ដោយគ្មានលិខិតស្នាមពីស្ថាប័នពាក់ព័ន្ធ ។ មន្ត្រីនសមដកហូតទៅរក្សាទុក ដើម្បីអនុវត្តនីតិវិធីបន្ត។ ចំពោះម្ចាស់ទំនិញវិញ លោក លី សេរីសម្បត្តិ ប្រធាន ក.ប.ប សាខាខេត្តតាកែវ អះអាងថាមិនទាន់រកឃើញនៅឡើយនោះទេ តែចាប់បានអ្នកតំណាង ដែលជាម្ចាស់ឃ្លាំងស៊ីឈ្នួលស្តុកអាល់កុលទាំងនោះ និងដោះស្រាយតាមផ្លូវច្បាប់បន្តទៀត។ 
 

កាលពីថ្ងៃទី០៥ខែកញ្ញា ឆ្នាំ២០២១ មន្ត្រីក.ប.ប សាខាខេត្តតាកែវ បានរកឃើញអាល់កុលក្លែងក្លាយ ១២ ៤២០លីត្រ ដែលស្ទាក់ចាប់បាននៅចំណុចឃុំភ្នំដិន ស្រុកគិរីវង់ ខេត្តតាកែវ ដែលនាំចូលពីប្រទេសវៀតណាម។ 
 

សូមជម្រាបថា សារធាតុមេតាណុល មិនត្រឹមតែគ្មានប្រសិទ្ធិភាពប៉ុណ្ណោះឡើយ តែវាបណ្ដាលឱ្យប៉ះពាល់សុខភាពអ្នកប្រើប្រាស់ទៀតផង។ ផលប៉ះពាល់ទាំងនោះរួមមាន ធ្វើឱ្យរលាកស្បែក រលាកភ្នែក ឈឺក្បាល វិលមុខ ស្រវាំងភ្នែក ងងុយគេង បាត់បង់ស្មារតី ក្អួតចង្អោរ រំខានដល់ការរំលាយអាហារ ឬអាចបណ្ដាលឱ្យស្លាប់ ប្រសិនបើយកទៅលាយ និងស្រា ហើយទទួលទានលើសកម្រិត៕