COVID-19
ជាតិ
កម្ពុជាមានពលរដ្ឋប្រមាណ ៧០ភាគរយហើយ បានចាក់វ៉ាក់សាំងបង្ការជំងឺកូវីដ-១៩
× ភ្នំពេញ៖ កម្ពុជា បានចាក់វ៉ាក់សាំងបង្ការជំងឺកូវីដ-១៩ ដល់ពលរដ្ឋ បានជិត១១,៥លាននាក់ ដែលស្មើនឹងជាង៧១ភាគរយ នៃចំនួនពលរដ្ឋសរុប១៦លាននាក់។ ក្នុងចំណោមអ្នកដែលបានចាក់វ៉ាក់សាំងនេះ គឺមានជាង៩,៧លាននាក់ ជាពលរដ្ឋមានអាយុចាប់ពី១៨ឆ្នាំឡើង និង ជាង១,៧លាននាក់ ទៀត ជាពលរដ្ឋដែលមានអាយុពី១២ដល់១៧ឆ្នាំ។
គិតត្រឹមថ្ងៃទី១១កញ្ញា ឆ្នាំ២០២១ កម្ពុជា សម្រេចផែនការចាក់វ៉ាក់សាំងបង្ការជំងឺកូវីដ-១៩ឱ្យពលរដ្ឋដែលមានពលរដ្ឋចាប់ពី១៨ឆ្នាំឡើង បាន៩៧,២៣ភាគរយ និងផែនការចាក់វ៉ាក់សាំងឱ្យកុមារ-យុវជនដែលមានអាយុពី១២-១៧ឆ្នាំ បាន៨៦,៧៧ភាគរយ។ របាយការណ៍ក្រសួងសុខាភិបាល បានបង្ហាញ ថា កម្ពុជា មានពលរដ្ឋសរុប ១១ ៤២៩ ៨៣៥ នាក់ បានចាក់វ៉ាក់សាំងកូវីដ-១៩។ ចំនួនគឺស្មើនឹង ៧១,៤៤ភាគរយ នៃពលរដ្ឋសរុប១៦លាននាក់ នៅកម្ពុជា។
ក្រសួងសុខាភិបាលបានបញ្ជាក់ថា ក្នុងចំណោមពលរដ្ឋខាងដែលបានចាក់វ៉ាក់សាំងបង្ការជំងឺកូវីដ-១៩នោះ គឺមានជាង៩លាននាក់ បានចាក់នូវដូសទី៣ ខណៈមានពលរដ្ឋប្រមាណ៧៥ម៉ឺននាក់ បានចាក់វ៉ាក់សាំងនូវដូសទី៣៕
Tag:
ថ្មីៗ
កូវីដ-១៩
ពលរដ្ឋបានចាក់វ៉ាក់សាំង
© រក្សាសិទ្ធិដោយ thmeythmey.com