អ្នកចាត់ការទូទៅសញ្ជាតិន័រវ៉េរូបនេះ បាននិយាយថា Ronaldo ក៏ត្រូវប្រុងប្រយ័ត្នផ្នែកសុខភាព ជាមួយបន្ទុកការងាររបស់គេដែរ។ លោក Solskjaer បាននិយាយថា Ronaldo នឹងមិនលេង៩០នាទីពេញ រាល់ការប្រកួតសម្រាប់ក្រុមបិសាចក្រហម Man Utd ឡើយ ខណៈលោកនឹងព្យាយាមគ្រប់គ្រងនាទីរបស់ខ្សែប្រយុទ្ធវ័យ៣៦ឆ្នាំរូបនេះ។
 

« ពិតណាស់មានការប្រកួតមួយនៅថ្ងៃអង្គារ (ទល់នឹង ក្រុម Young Boys) ។ យើងនឹងឃើញអ្វីដែលយើងធ្វើ។ ប៉ុន្តែវាមិនអាចទៅរួចទេ ក្នុងការទុកគាត់ចោល។ គាត់(Ronaldo) មានអាយុ ៣៦ ឆ្នាំ Mason Greenwood មានអាយុ ១៩ ឆ្នាំ ដូច្នេះវាដូចគ្នា ។ ខ្ញុំត្រូវគ្រប់គ្រងនាទីរបស់គាត់(Greenwood) ហើយខ្ញុំក៏ត្រូវគ្រប់គ្រងនាទីរបស់បុរសអាយុ ៣៦ ឆ្នាំ(Ronaldo) ផងដែរ» ។ នេះបើតាមវេបសាយ Goal ដែលបានស្រង់សម្តីលោក Solskjaer។
 

ក្រុមបិសាចក្រហម Man Utd នឹងត្រូវប្រកួតជាមួយក្រុម Young Boys នៅវគ្គជម្រុះពូល F នៃពានរង្វាន់ Champion League នៅម៉ោង២៣៖ ៤៥នាទីយប់ (ម៉ោងនៅកម្ពុជា) នាថ្ងៃអង្គារ ទី១៤ កញ្ញា។
 

សម្រាប់ការបង្ហាញខ្លួនជាថ្មី នៃប្រកួតដំបូងឱ្យក្រុមបិសាចក្រហម នាសប្ដាហ៍ទី៥ កាលពីថ្ងៃទី១១ កញ្ញា Ronaldo បានMan Utd យកឈ្នះលើក្រុមសារិកាព្រៃ Newcastle United ក្នុងលទ្ធផល ៤-១ ។ គ្រាប់បាល់ទាំងនេះ សម្រេចទីបានដោយតារាឆ្នើម Ronaldo ២គ្រាប់ នៅនាទីទី ៤៥+២ ម៉ោងបន្ថែមវគ្គទី១ និងនាទី ៦២ រួមទាំង Bruno Fernandes ១គ្រាប់នាទី ៨០ និង Jessie Lingard នាទី ៩០+២ ម៉ោងបន្ថែម។ ចំណែក១គ្រាប់របស់ Newcastle រកបានដោយកីឡាករ Javier Manquillo នៅនាទី ៥៦។

 

២គ្រាប់ដែលRonaldo ធ្វើបាន គឺជាគ្រាប់បាល់ទី ២០០ គ្រាប់សម្រាប់ Man UTD ក្រោយពីរូបគេចាកចេញអស់រយៈពេល ១២ឆ្នាំ។បច្ចុប្បន្នក្រុមបិសាចក្រហមឈរលេខ១ ដោយមាន១០ពិន្ទុឈរពីលើក្រុមមេឃខៀវ Manchester City ដែលមាន៩ពិន្ទុបណ្ណោះអាសន្ន៕