Romelu ដែលក្លិបតោខៀវ បានទិញក្នុងតម្លៃ ៩០លានអឺរ៉ូពីក្លិប Inter Milan បានបង្ហាញទម្រង់លេងយ៉ាងល្អ ដោយរូបគេរកបាន៣គ្រាប់ក្នុងចំណោម ២ប្រកួតនៅ Premier League។ Lukaku ក៏បានស៊ុតគ្រាប់ជ័យជម្នះ១គ្រាប់នៅនាទី៦៩ ជួយតោខៀវយកឈ្នះក្រុម Zenit របស់រុស្ស៊ីក្នុងពូល  H នៃពានរង្វាន់ Champions League វគ្គចែកពូលទៀតផង។ មួយគ្រាប់នេះ ជាគ្រាប់ទី ៤សម្រាប់រូបគេក្នុង៣ប្រកួតមកនេះ។
 

Lukaku ក៏ទទួលបានការកោតសរសើរពីសំណាក់គ្រូបង្វឹកលោក Thomas Tuchel  យ៉ាងខ្លាំង។
 

«នោះជាការតែតបាល់មួយគ្រាប់យ៉ាងល្អពី Lukaku ព្រមទាំងជាការបញ្ជូនបាល់ពី Azpilicueta យ៉ាងល្អបំផុតដែលខ្ញុំមិនធ្លាប់បានឃើញពីមុនមក។ នេះជាហេតុផលដែលពួកយើងនាំគាត់មកកាន់ទឹកដី Stamford Bridge ។ រូបគេចូលចិត្តស្វែងរកគ្រាប់បាល់ ហើយស្វែងរកជ័យជម្នះសម្រាប់យើង។» លោក Tuchel បាននិយាយបែបនេះក្រោយចប់ការប្រកួត។
 

ក្រោយយកឈ្នះលើក្រុម Zenit ក្នុងលទ្ធផល ១-០ ក្រុមតោខៀវ ឡើងឈរលេខ២ក្នុងពូល H មាន៣ពិន្ទុ ខណៈ Juventus មាន៣ពិន្ទុដូចគ្នាឈរលេខ ១កំពូល តារាងក្រោយយកឈ្នះក្រុម Malmo ក្នុងលទ្ធផល ៣-០៕