ដើម្បីដោះស្រាយបញ្ហាទាំងនោះ ការដំឡើងកម្រិតបំណុលសាធារណៈ គឺជាជម្រើសមួយដ៏ល្អ ខណៈកម្រិតបំណុលចាស់ ត្រូវបានថៃប្រើជិតអស់ទៅហើយ។ គិតត្រឹមខែកក្កដា ថៃមានកម្រិតបំណុល ៥៥,៥៩ភាគរយ ឬជាង ២៦៦ពាន់លានដុល្លារ នៃGDP របស់ខ្លួន នៅក្នុងឆ្នាំ២០២១។ កម្រិតបំណុលអតិបរមារបស់ថៃ មានត្រឹមតែ ៦០ភាគនៃ GDP ប៉ុណ្ណោះ។ 

ទាក់ទិននឹងកម្រិតបំណុលអតិបរមានេះ គណៈកម្មាធិការគោលនយោបាយហិរញ្ញវត្ថុ និងសារពើពន្ធ ដែលមានលោកនាយករដ្ឋមន្រ្តី ប្រាយុទ្ធ ចន្ទអូចា ជាប្រធាន បានអនុម័តកម្រិតបំណុលពី ៦០ភាគរយ ទៅ ៧០ភាគរយនៃផលិតផលក្នុស្រុកសរុបរបស់ថៃ។ កម្រិតបំណុលអតិបរមា តែងត្រូវថៃពិនិត្យរៀងរាល់ ៣ឆ្នាំម្តង។ 

 

គួររំលឹកថា ទេសាភិបាលនៃធនាគារកណ្តាលថៃ លោក Sethaput Suthiwartnarueput នៅខែសីហា បានបញ្ជាក់ថា ថៃត្រូវការវិធានការសារពើពន្ធទំហំជិត ៣០ពាន់លានដុល្លារបន្ថែមទៀត ដើម្បីជួយសង្រ្គោះសេដ្ឋកិច្ច ការងារ និងប្រាក់ចំណូលនៅក្នុងប្រទេស៕