សេចក្តីសម្រេចរបស់ប្រមុខរដ្ឋាភិបាល បានធ្វើឡើងក្រោយពេលដែលសម្តេចបានផ្ញើសារជាសំឡេងទៅកាន់ស្ថាប័នពាក់ព័ន្ធ ជាពិសេសព្រះចៅអធិការនៃបណ្តាវត្ត ឲ្យពិចារណារផ្អាកពិធីបុណ្យប្រពៃណីជាតិតាមបែបព្រះពុទ្ធសាសនានេះ ដោយសារតែការរកឃើញករណីវិជ្ជមានកូវីដ-១៩ ជាបន្តបន្ទាប់ ក្នុងនោះវត្តចំពុះក្អែក នៅខណ្ឌច្បារអំពៅ មានដល់ទៅជាង៤០ករណី។

 

ការជួបជុំ និងប្រមូលផ្តុំមនុស្សជាច្រើនតាមបណ្តាវត្តអារា មិនអាចធានាបាននូវការអនុវត្តវិធានសុវត្ថិភាពផ្នែកសុខាភិបាលឡើយ ដែលធ្វើឲ្យកម្ពុជាប្រឈមហានីភ័យខ្ពស់នៃការរាលដាលកូវីដ-១៩ ជាពិសេសប្រភេទបំប្លែងថ្មី ដែលតា។ នេះជាការគូសបញ្ជាក់របស់សម្តេច ហ៊ុន សែន។

 

ការសម្រេចផ្អាកពិធីចាប់ពីបិណ្ឌ៤រហូតដល់ភ្ជុំបិណ្ឌនេះ ជាផ្នែកដ៏សំខាន់មួយនៃការពង្រឹងវិធានការរបស់រដ្ឋាភិបាលក្នុងការទប់ស្កាត់ជំងឺរាលដាលសកល ដើម្បីធានាអាយុជីវិត និងសុខភាពពលរដ្ឋ ខណៈប្រទេសទាំងមូល កំពុងដំណើរការបើកសាលារៀន និងរៀបចំផែនការឆ្ពោះទៅបើកប្រទេសពេញលេញឡើងវិញ។

 

ទោះបីជាយ៉ាងណាក៏ដោយ ការឈប់សម្រាក៣ថ្ងៃសម្រាប់ពិធីបុណ្យភ្ជុំបិណ្ឌ នៅតែរក្សាទៅតាមការកំណត់ក្នុងប្រតិទិនដដែល។

 

ទាក់ទងនឹងការយកចង្ហាន់ និងទេយ្យទានចាំបាច់នានា ប្រគេនដល់ព្រះសង្ឃតាមបណ្តាវត្តអារាម សម្តេច ហ៊ុន សែន បានបញ្ជាទៅបណ្តាអភិបាលខេត្ត រៀបចំសម្របសម្រួលយន្តការក្នុងដែនសមត្ថកិច្ចរបស់ខ្លួន៕