ជាតិ
ពីនេះ ពីនោះ
ពាក្យ «ទាំងឡាយ» សរសេរជា «ទាំងហ្លាយ» ក៏បានដែរ
× បើតាមវចនានុក្រមខ្មែរសម្តេចព្រះសង្ឃរាជ ជួន ណាត ពាក្យ «ទាំងឡាយ» និង «ទាំងហ្លាយ» អាចសរសេរបានដូចគ្នា។ និបាតសព្ទ «ទាំងហ្លាយ» ចេញពីពាក្យសៀមដែលអានថា ថ័ងហ្លាយ» ប៉ុន្តែសម័យសព្វថ្ងៃនេះ ខ្មែរសរសេរ «ទាំងឡាយ» ច្រើនជាង។
ទាំងឡាយ មានន័យថា អស់ទាំង, ទាំងអស់, រាល់; ពាក្យប្រាប់ចំនួនច្រើន សម្រាប់ប្រើភ្ជាប់នឹងចុងនាមសព្ទជាពហុវចនៈ។ អ្នកទាំងឡាយ គឺអស់ទាំងអ្នកឬពួកអ្នក, អ្នករាល់គ្នា; មនុស្សទាំងឡាយ, សត្វទាំងឡាយ គឺអស់ទាំងមនុស្សអស់ទាំងសត្វ...។
ពាក្យ «ឡាយ» ឬ «ហ្លាយ» ដែលជាកិរិយាវិសេសន៍ និងគុណសព្ទ មានន័យជារួមថា រយាល, ដែលចេះតែឃ្លាតៗ វេលា, ចេះតែឡាយៗទៅមិនបានទៅមករកគ្នា៕
© រក្សាសិទ្ធិដោយ thmeythmey.com