ពីនេះ ពីនោះ
តើអ្នកស្គាល់ «ត្រីកាហែ» ទេ?
×
ដោយ៖ មច្ឆាខ្មែរ
«ត្រីកាហែ» គឺជាប្រភេទត្រី់ទឹកសាប មានស្រកា វារស់នៅក្នុង ប្រព័ន្ធទន្លេសាប និងតំបន់វាលទំនាបលិចទឹក ក្នុងអាងទន្លេមេគង្គ។
ត្រីកាហែ មានឈ្មោះវិទ្សាសាស្រ្ត (Cirrhinus microlepis) និងឈ្មោះជាភាសាអង់គ្លេស Red tailed tinfoil។ ត្រីកាហែ មានលក្ខណៈសម្គាល់ដូចជា៖ មានដងខ្លួនហាប់ខ្ពស់ ពណ៌ប្រាក់។ នៅព្រុយពោះ ព្រុយគូទ និងព្រុយកន្ទុយ មានពណ៌ក្រហម។ ចំណែកព្រុយខ្នង មានពណ៌ប្រផេះ ដោយនៅខាងចុងព្រុយ មានអង្កត់ពណ៌ខ្មៅមួយ។
បើយោងតាមគេហទំព័រសហភាពអន្តរជាតិដើម្បីអភិរក្សធម្មជាតិ (IUCN) បានចាត់ចំណាត់ថ្នាក់ត្រីកាហែ ជាប្រភេទត្រី «មានការព្រួយបារម្ភតិចតួច» Least Concern (LC)។
ទោះយ៉ាងណា ក្នុងប៉ុន្មានឆ្នាំចុងក្រោយនេះ បរិមាណត្រីគ្រប់ប្រភេទ មាននិន្នាការធ្លាក់ចុះយ៉ាងខ្លាំង។ ទាំងនេះ អាចបណ្តាលមកពីការនេសាទហូសកម្រិត ការបាត់បង់ទីជម្រក ការសាងសង់ទំនប់វារិអគ្គិសនីនៅតាមដងទន្លេមេគង្គលើ ទើបបណ្តាលឱ្យបឹងទន្លេសាបទទួលរបបទឹកមិនគ្រប់គ្រាន់ ដែលជាកត្តាចម្បង រំខានដល់វដ្តជីវិតរបស់មច្ឆជាតិ និងជីវៈចម្រុះផ្សេងៗ ទៀតដែលរស់នៅទីនោះ៕
© រក្សាសិទ្ធិដោយ thmeythmey.com