ពាក្យផ្សេងទៀតដែលភ្ជាប់ជាមួយ​គារវៈ មានដូចជា គារវកថា ( គារៈវៈកៈ ថា ) សំដីសំដែងនូវសេចក្ដីគោរព ។ គារវតា ( គារៈវៈ តា ) ភាពនៃការគោរព, សេចក្ដីគោរព ។ គារវភក្ដី សេចក្ដីគោរព និងសេចក្ដីស្រលាញ់; សេចក្ដីរាប់អានដោយគោរព ។ គារវភាព ភាព, បែបនៃសេចក្ដីគោរព ។ ល ។ 
 

អតិថិគារវៈ គឺ​ការគោរពភ្ញៀវ, ការគួរសមចំពោះភ្ញៀវ។ យើង​ក៏អាចប្រើពាក្យ អតិថិគោរព ក៏បានដែរ។ 
 

ចំណែកពាក្យពាក់ព័ន្ធនឹងអគារវៈ វិញ មានដូចជា អគារវកថា ឬ —វាទ សម្ដីពុំគោរព ។ អគារវទោស ទោសដែលមានព្រោះការមិនគោរព, ទោសល្មើស ។ ល ។