សម្មានភាព គឺ​ដំណើរ​រាប់អាន​គ្នា។ សម្ដែងសម្មានភាពរកគ្នាទៅវិញទៅមក ។ ឧច្ឆេទសម្មាន សំដៅ​លើ​អ្នកដែលជាប់សេចក្ដីរាប់អានគ្នា គឺអ្នកដែលធ្លាប់តែរាប់អានគ្នាហើយបែរជាលែងរាប់អានគ្នាទៅវិញ ( បើស្ត្រីជា ឧច្ឆេទសម្មានា ) ។ ឧច្ឆេទសម្មានភាព ដំណើរដាច់សេចក្ដីរាប់អានគ្នា ។ល។

 

សក្ការសម្មាន មានន័យថា សក្ការៈនិងសេចក្ដីរាប់អាន, សក្ការៈនិងសេចក្ដីគួរសម។ ធ្វើសក្ការសម្មាន ។ ពាក្យកាព្យ៖ សក្ការសម្មាន នាំឲ្យបានគ្នាជាមិត្រ នរណាបានប្រព្រឹត្ត ពិតជានឹងមានមិត្រច្រើន ។ ចងមិត្រដោយការឲ្យ ឲ្យញយៗមិត្រក៏កើន ក្ដីសុខក្ដីចម្រើន តែងមានច្រើនព្រោះការឲ្យ ៕