ជាតិ
សង្គមជាតិ
អាជ្ញាធរប្រាប់ឱ្យពលរដ្ឋរួសរាន់ភ្ជាប់បណ្ដាញលូទឹកភ្លៀង និងទឹកកខ្វក់ ដោយឥតគិតថ្លៃ
ការដាក់បណ្ដាញលូទឹកភ្លៀង និងទឹកកខ្វក់ ក្នុងគម្រោងស្ថាបនាផ្លូវ ៣៨ខ្សែក្នុងក្រុងសៀមរាប នាពាក់កណ្ដាលខែ វិច្ឆិកា ឆ្នាំ២០២១។
×![]()
សៀមរាប៖ រដ្ឋបាលខេត្តសៀមរាប តាមរយៈមន្ទីរសាធារណការ និងដឹកជញ្ជូន បានឱ្យប្រជាពលរដ្ឋរួសរាន់ទំនាក់ទំនងដើម្បីសុំភ្ជាប់បណ្ដាញលូទឹកភ្លៀង និងទឹកកខ្វក់ តាមបណ្ដាញផ្លូវ៣៨ខ្សែដែលកំពុងសាងសង់ និងបញ្ជាក់ថា ការភ្ជាប់នេះពុំមានគិតថ្លៃសេវាឡើយ។
តាមរយៈសេចក្ដីជូនដំណឹងចុះថ្ងៃទី២៦ វិច្ឆិកា មន្ត្រីសាធារណការ ប្រាប់ឱ្យប្រជាពលរដ្ឋជាម្ចាស់ផ្ទះ អាជីវកម្មដ្ឋាន ដែលស្ថិតនៅទីប្រជុំជនក្នុងក្រុងសៀមរាប នៃគម្រោងស្ថាបនាផ្លូវ៣៨ខ្សែ ត្រូវរួសរាន់ទំនាន់ទំនងទៅការិយាល័យលូទឹក និងស្ថានីយចម្រោះទឹកកខ្វក់ ដើម្បីសុំភ្ជាប់បណ្ដាញទឹកភ្លៀង និងទឹកកខ្វក់។
មន្ទីរបញ្ជាក់ថា ប្រមុខរាជរដ្ឋាភិបាលសម្រេចបន្ថែមកញ្ចប់ថវិកាដើម្បីតភ្ជាប់បណ្ដាញលូទាំងអស់ ចូលក្នុងគម្រោងស្ថាបនាផ្លូវ៣៨ខ្សែ ជូនប្រជាពលរដ្ឋដោយឥតគិតថ្លៃ និងដោយសារមើលឃើញផលលំបាករបស់ប្រជាពលរដ្ឋ ក្នុងបរិបទជំងឺកូវីដ១៩ ផងដែរ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
