បើតាម JICA អាគារនេះ មានបំពាក់គ្រែអ្នកជំងឺចំនួន ២១២ នៅក្នុងអាគារផ្នែកសង្រ្កោះបន្ទាន់ វះកាត់ ពិគ្រោះជំងឺក្រៅ និងផ្នែកផ្សេងទៀត។ គម្រោងនេះ ក៏នឹងផ្ដល់ឧបករណ៍វេជ្ជសាស្រ្តមួយចំនួនទៀតដូចជា ឧបករណ៍ថតកាំរស្មី និងឧបករណ៍អេកូសាស្រ្ត រួមទាំងសម្ភារប្រើប្រាស់សម្រាប់សាលអាគារនៅក្នុងមន្ទីរពេទ្យខេត្ត និងមន្ទីរពេទ្យបង្អែកស្រុកទាំង៤ផងដែរ។ 

 

ការសាងសង់អាគារនេះ ត្រូវចំណាយទឹកប្រាក់សរុប ១៨.៩៥លានដុល្លារ លើផ្ទៃដី៧,២៦០ម៉ែត្រការ៉េ នៅក្នុងបរិវេណមន្ទីរពេទ្យខេត្តសៀមរាប ក្រោមកិច្ចព្រមព្រៀងលើគម្រោងហិរញ្ញប្បទានឥតសំណងរបស់ទីភ្នាក់ងារសហប្រតិបត្តិការ អន្តរជាតិនៃប្រទេសជប៉ុន (JICA) និងក្រសួងសេដ្ឋកិច្ច៕