ពីនេះ ពីនោះ
«នវាគត» សំដៅលើមនុស្ស ឬអ្វីដែលទើបមកដល់ថ្មីៗ
× សម្រាប់ពាក្យ «នវាគត» យើងអាចអានបានថា នៈវាគៈតៈ ឬនៈវាគត់។ តាមវចនានុក្រមសម្តេចព្រះសង្ឃរាជ ជួន ណាត «នវ» ចេញពីបាលី-សំស្រ្កឹត ដែលមានន័យថា «ថ្មី» បូកនឹង «អាគត» [ដែលមក, ដែលទើបមក]។
«នវាគត» ប្រើជាគុណសព្ទ និងនាមសព្ទ មានន័យថា ដែលទើបមកថ្មី; មនុស្សឬអ្វីៗដែលទើបមកដល់ថ្មីៗ។ មនុស្សទាំងអស់ហ្នឹង សុទ្ធតែជាជននវាគត គេមកជួយបុណ្យកឋិនយើង ។ នវាគតភណ្ឌ គឺរបស់ដែលទើបដល់មកថ្មីៗ ។
ពាក្យកាព្យ៖ មិត្រហ្នឹងជាជននវាគត មកមានកំណត់កាលវេលា គួរយើងទាំងអស់ស្រុះចិត្តគ្នា នាំពាគួរសមរកគេផង ។
តាមវេវចនសព្ទ ពាក្យនេះ មានន័យដូច «អាគន្តុក» ផងដែរ។ អ្នកដែលទើបមកដល់ថ្មី, ភ្ញៀវ, ភ្ញៀវដែលមករក។ មានអាគន្តុកៈមករក (បើស្ត្រីជា អាគន្តុកា) ៕
© រក្សាសិទ្ធិដោយ thmeythmey.com